Хаартыска: А.Сорокин (ЯСИА)
Айсен Николаев Ил Түмэҥҥэ Туһаайыытыгар ыам ыйдааҕы Ыйаахха киирсибэтэх бүддьүөт эйгэтин үлэһиттэригэр хамнаска былааннаммыт үрдээһини 2026 сылга хааччыйарга СӨ бырабыыталыстыбатыгар сорудахтаата.
Ил Дархан сыана уонна тарыып, кирэдьиит сыаната үрдүү турар, үлэ ырыынага кыһалҕаланар усулуобуйатыгар дьоһун суолталаах боппуруоһунан Саха сирин олохтоохторо этэҥҥэ олоруулара буоларын бэлиэтээтэ. Кини хайаан да толоруллуохтаах кэккэ быһаарыылары чопчулаата.
«Биһиги 2026 сылтан үлэ төлөбүрүн алын кээмэйин өссө 20,7% үрдэтэр эбээһинэстээхпит. Бу – сокуон ирдэбилэ эрэ буолбатах, бу – Саха сирин олохтоохторун, ордук кыра дохуоттаах дьон, нус-хас олорууларын өйүүргэ дьоһуннаах хардыы. Сыана үрдүү турарынан сибээстээн, хамнас үрдэтиллэрэ улахан суолталаах. Өрөспүүбүлүкэ бырабыыталыстыбата ыам ыйынааҕы Ыйаахха киирсибэтэх бүддьүөт эйгэтин үлэһиттэригэр хамнаһы былааннаммыт үрдэтиини хааччыйыахтаах”, — диэтэ Айсен Николаев.
“2026 сылга бүддьүөт эйгэтин 117 тыһыынча үлэһитин хамнаһын пуондата 34,3 миллиардынан улаатыаҕа. Төһө да ыарахаттар баалларын иһин, бырабыыталыстыба бу эбэһээтилистибэлэр толору уонна кэмигэр үбүлэнэллэрин хааччыйыахтаах”, — диэтэ Ил Дархан.
СӨ Ил Дарханын уонна Бырабыыталыстыбатын пресс-сулууспата
Кэлиҥҥи сылларга киин куоракка уонна улустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…
Саҥа 2026 сылга үктэнэрбит чугаһаата. Хас биирдии дьиэ кэргэн, оҕотуттан улахан киһитигэр тиийэ, саҥа сылтан туох…
Ааспыт нэдиэлэҕэ Европалар Россия хам хатана сытар харчытын халыы сатаатылар. Харчыны харайааччы Бельгия утаран, ити…
Ыччат миниистирэ Петр Шамаев, Ил Дархан ыччат бэлиитикэтигэр болҕомто күүскэ уурарын бэлиэтиир: -Ил Дархан бүгүҥҥү…