Ыам ыйыгар ханнык күннэргэ магнитнай буурҕалар түһүөхтэрэй?

Ыам ыйыгар, учуонайдар билгэлэринэн, Сиргэ күүстээх магнитнай буурҕалар түһүөхтэрэ. Бу туһунан ИКИ уонна ИСЗФ Күн астрономиятын лабораторията иһитиннэрэр.

«Геомагнитнай хамсааһыннар ыам ыйын бастакы күннэриттэн саҕаланан, ый устатыгар уһатыллыахтара. Онон айылҕа хамсааһыннарыттан тутулуктаах дьон-сэргэ психофизическай балаһыанньаларыгар уонна доруобуйаларыгар, ордук Күөх Маай бырааһынньыктарыгар болҕомтолоохтук сыһыаннаһалларыгар ыҥыраллар», — диэн Күн астрономиятын лабораториятын сулууспата иһитиннэрэр.

Күҥҥэ эстиилэр рентген сардаҥаларын күүһүттэн тутулуктанан, 5 кылааска  (A, B, C, M, X) арахсаллар. Саамай кырата — A0.0, Сиргэ тиийиитигэр 1 кв.м. сиргэ 10 нановаттка тэҥнэһэр. Иккис кылааска бу күүһэ 10 төгүл улаатар.

Ыам ыйыгар сабаҕаланар магнитнай буурҕалар:

5 бааллаах күүстээх буурҕалар — ыам ыйын 2 күнүгэр;

3 бааллаах орто буурҕалар — ыам ыйын 5,6,7 күннэригэр;

4 бааллаах орто буурҕалар — ыам ыйын 8,10 күннэригэр;

4 бааллаах орто буурҕалар — ыам ыйын 18 -21 күннэригэр;

5 бааллаах күүстээх буурҕалар — ыам ыйын 28 күнүгэр.

Мөлтөх буурҕалар 1-2 бааллаахтар, орто буурҕалар 3-4 бааллаах буолаллар.