Хаартыска: СИА.
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам ыйын 3 күнүгэр Сиргэ магнитнай буурҕа түһүөн сөп диэн Прикладной геофизика института иһитиннэрэр.
«Ыам ыйын 1 күнүгэр Москва бириэмэтинэн түүн 2 чаас 46 мүнүүтэҕэ M9.5 диэн регистрацияламмыт, 41 мүнүүтэ уһуннаах эстии буолбута. Муус устар 30 күнүгэр М кылаастаах үс, С кылаастаах аҕыс эстии буолбута. Ол иһигэр (М1.3/SF) эстиигэ корональнай маасса Сир диэки туһуламмыта», — диэн институт гелиогеофизическэй сулууспата иһитиннэрэр.
Күҥҥэ эстиилэр рентген сардаҥаларын күүһүттэн тутулуктанан, 5 кылааска (A, B, C, M, X) арахсаллар. Саамай кырата — A0.0, Сиргэ тиийиитигэр 1 кв.м. сиргэ 10 нановаттка тэҥнэһэр. Иккис кылааска бу күүһэ 10 төгүл улаатар.
Онтон Космическай чинчийии институтун учуонайдара этэллэринэн, быйыл ыам ыйыгар уонна бэс ыйыгар Күн актыыбынаһа күүһүрэн турар. Кэмиттэн кэмигэр Күҥҥэ эстиилэр мөлтөөн баран, күүһүрэн, эргийэн кэлэ тураллар. Оччотугар Сиргэ магнитнай буурҕалар түһэллэр. Муус устар ый ортотугар 4 бааллаах магнитнай буурҕа түспүтэ, ол иһин Саха сирин үрдүнэн дьүкээбил суһумнаан ылбыта.
Ыам ыйыгар сабаҕаланар магнитнай буурҕалар:
Мөлтөх буурҕалар — ыам ыйын 1-3, 5-6, 20 күннэригэр;
Орто буурҕалар — ыам ыйын 12-13, 24-27 күннэригэр.
Мөлтөх буурҕалар 1-2 бааллаахтар, орто буурҕалар 3-4 бааллаах буолаллар.
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка,…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…