Ыам ыйыгар сүппүт киһи өлүгэ көһүннэ

СӨ Быыһыыр сулууспата иһитиннэрбитинэн, Үөһээ Бүлүү улууһугар ыам ыйын 13 күнүттэн 1987 с.т. эр киһини көрдүүллэр.

Эр киһи ыам ыйын 12 күнүгэр Кэнтиктэн 20 км Түбэ диэн сиргэ сүппүт. Ыам ыйын 6 күнүгэр табаарыстарын кытта бултуу барбыт. Ыам ыйын 13 күнүгэр эр киһи сүппүтүн туһунан Быыһыыр сулууспаҕа  табаарыстара иһитиннэрбиттэр. Ол курдук эр киһи ыам ыйын 12 күнүгэр  21.20 чааска үүтээнтэн тахсыбыт уонна кэлбэтэх.

Ыам ыйын 13 күнтэн СӨ Быыһыыр сулууспатын быыһааччылара, олохтоохтор, полиция  көрдөөбүттэрэ да булбатахтара.
Бэс ыйын 30 күнүгэр көрдөөһүнү сөргүтэн, от ыйын 1 күнүгэр Бүлүүтээҕи көрдүүр-быыһыыр этэрээт (бөлөх сал. Семёнов А.И.) сүппүт киһини көрдүү барбыттар.
Бүгүн, от ыйын  3  күнүгэр, эр киһи өлүгүн Тонгуо үрэх кытылыттан буллулар.