Хаартыска: СИА
Ыам ыйын 1 күнүттэн үпкэ-харчыга дьайар федеральнай сокуоннарга кэккэ уларыйыылар киирэллэр. Уларыйыылар оҕо босуобуйатын, алимены, ыстаараабы кытта сыһыаннаахтар. Хас биирдиилэрин сиһилии суруйабыт.
Ыам ыйыттан оҕолор төлөбүрдэрин тиһигэр саҥа уларыйыылар киирэллэр. Дойду Бэрэсидьиэнэ Бырабыыталыстыбаҕа дьиэ кэргэн дохуотун кээмэйин улаатыннарар саҥа быраабылалары оҥорорго, онно эбии көмө оҥоһулларыгар сорудахтаабыта. Ону тэҥэ төлөбүрү аныырг дохуот көрүүтүн болдьоҕо сарбыллар, дьиэ кэргэн чилиэнин орто дохуотун ааҕарга НДФЛ ааҕыллыбат мэхэньииһимэ үлэлиир. Чопчу уларыйыылар ыам ыйын 15 күнүттэн биллиэхтэрэ.
Арассыыйаҕа алимены төлөөбөт дьон ортотугар «хара испииһэк» оҥоһуллуоҕа. Сокуон барылынан эппиэтинэскэ тардыллыбыт уонна көрдөөбүлгэ сылдьар иэстээх дьону испииһэккэ киллэриэхтэрэ. Суут бириистэптэрин федеральнай сулууспата бу испииһэги оҥоруоҕа уонна саҥардан иһиэҕэ, оттон испииһэк нэһилиэнньэҕэ аһаҕас буолуоҕа.
Саҥа быраабыланан баан счетун арыйбакка эрэ харчыны атын киһиэхэ ыытыы 100 тыһ. солк. диэри хааччахтанар. Улахан суума харчыны ыытар буоллахха бааҥҥа лиичинэскин бигэргэтиэххэ уонна саҥа баан счетун арыйыахха наада. Бу дьаһаллар түөкүннээһини тохтотууга туһуланаллар.
80 сааһын туолбут эбэтэр быйыл муус устар ыйыгар 1 группалаах инбэлиит буолбут биэнсийэлээхтэр төлөбүрдэрин кээмэйэ улаатар. Кээмэйэ 8908 солкуобайтан 17 816 солк. диэри улаатар. Манна сайабылыанньаны суруйар ирдэммэт.
Ыам ыйын 30 күнүттэн тус дааннайдары харыстааһыҥҥа олоххо саҥа ыстарааптар киирэллэр. Гражданнарга ыстараап суумата 2-6 тыһ. солкуобайтан 10-15 тыһ.солк. улаатар, оттон тэрилтэлэргэ — 60-100 тыһ. солкуобайтан 300-500 тыһ. солк. диэри үрдүүр. Аны туран, сокуону кэһии хатыланар түгэнигэр ыстараап суумата өссө бүк үрдүүр. Оператордар буруйдарынан тус дааннайдар тарҕанар түгэнигэр юридическай сирэйдэр 3 мөлүйүөн солкуобайга тиийэ ыстарааптаналлар, оттон маассабайдык тарҕаныы иһин — 15 мөлүйүөн солк.
Аны ыам ыйыттан суоппардарга ыстараап күүһүрэр. Светофор кыһыл уотугар айаннаабыт суоппар 2500 солк. төлүөҕэ. Утары балаһаҕа тахсыбыт суоппар 7000 солк. ыстарааптанар эбэтэр сыл аҥаарыгар болдьоххо тырааныспары ыытар бырааба быһыллар. Пешеходка тохтообуттар 3000 солк. төлүөхтэрэ.
Ыам ыйын 9 күнүттэн кирэдьиит историятын быраабылатыгар уларыйыылар киирэллэр. Мантан инньэ төрөөбүт сир туһунан дааннайдар испииһэктэн уһуллуохтара. Аата, араспаанньата, төрөөбүт күнэ, ону таһынан гражданин пааспарын дааннайдара, ИНН уонна СНИЛС эрэ хаалыахтара.
Дьокуускайга Аҕа дойду сэриитин кыттыылааҕа Наум Слепцов бирииһигэр бэтэрээннэр уонна ыччаттар сүүмэрдэммит хамаандаларын икки ардыларыгар…
Муус устар 28 күнүгэр Саха Өрөспүүбүлүкэтин Ил Дархана Айсен Николаев өрөспүүбүлүкэ оскуолаларыгар саҥа көлө күлүүстэрин…
Саха киһитэ санаата түһэн, сүрэ тостон, олоххо тардыһыыта сүтэн бардаҕына, алгысчыты ыҥыран сиэри-туому толоруохха сөп.…
Бу күннэргэ Таатта улууһун баһылыга Айаал Бурцев улуус дьаһалтатын салайааччыларын, Манчаары оонньууларыгар эппиэттээх хамыыһыйалары кытта…
Хатыҥ мүөттээх сэбирдэҕин чэйгэр кутан иһэ сырыттаххына, бүөргэр-быаргар туһалаах. Салаакка мэлдьи моркуоп, сүбүөкүлэ, оҕурсу, укуруоп…
Ил Дархан Айсен Николаев Дьокуускайга Каландаришвили уулуссатыгар кэтээн көрөр саҥа сүрүннүүр кииҥҥэ сырытта. Кини бу…