Ыам ыйын 1 күнүттэн Дьокуускайга  дроннары көтүтүү бобуллар

Ыам ыйын 1 күнүттэн 12 күнүгэр диэри Аҕа дойду Улуу сэриитигэр Кыайыы 80 сылын бэлиэтиир тэрээһиннэр кэмнэригэр Дьокуускайга пилота суох көтөр аппарааттары ыытыы бобуллар диэн куорат дьаһалтата иһитиннэрдэ.

Дьокуускай куорат уокуругун дьаһалтата эппитинэн, Улуу Кыайыы 80 сылын бэлиэтиир үөрүүлээх тэрээһиннэр куттала суох буолалларын хааччыйар сыалтан, аккредитацияламмыт судаарыстыбаннай СМИ-лэр эрэ пилота суох көтөр аппарааттары туһаныахтара. Бобуу 2025 сыл ыам ыйын 1-12 күннэригэр дьайар.

Дьокуускай салалтата дроннары көҥүлэ суох ыытыы административнай уонна холуобунай эппиэтинэскэ тиэрдэр диэн санатта.