Ыам ыйын 12 күнүгэр өрүстэр туруктара

Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон Хамра нэһилиэнньэлээх пуунун аннынан 30 км сиринэн устар диэн брифиҥҥэ СӨ бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрэр.

Муус 53 км тайаан устар, суукка устата 10 км хамсаабыт.

Алдан өрүскэ муус Кэбээйи, Уус Алдан, Томпо оройуоннарынан устар. Амма өрүс мууһа Таатта оройуонунан ааһар. Бүлүү өрүс мууһа Сунтаар, Ньурба, Үөһээ Бүлүү, Бүлүү оройуоннарынан устар.

Халыма өрүс Магадаан уобалаһын сиринэн устар.

«Гидрологическай туругу 119 бастайааннай уонна 87 быстах кэмнээх гидропостарга кэтээн көрөллөр. Өрөспүүбүлүкэ өрүстэринэн суһал бөлөхтөр тэриллибиттэрэ. Туруоруллубут соруктар кэмигэр толоруллаллар», — диэн вице-премьер  иһитиннэрдэ.