Ыам ыйын 13 күнэ: ардах, күнүс +17° кыраадыс сылаас

Саха сирин синоптиктара билгэлииллэринэн бүгүн, ыам ыйын 13 күнүгэр, Ленскэйгэ, Мииринэйгэ, Өлүөхүмэҕэ, Алдаҥҥа ардыыр, хотугулуу-илин улуустарынан инчэҕэй хаар түһэр.

Кыра тыаллаах, хотугу байҕал кытылынан сөкүүндэҕэ 15-17 м. түргэннээх силлиэ тыаллаах. Бу туһунан УГМС саайта иһитиннэрэр.

Салгын температурата түүн 0,+5°, хоту хайаларынан 0,-5°, Арктика улуустарынан халыннаҕына -9-14° кыраадыс тымныы. Күнүс салгын температурата +7+12°, киин оройуоннарга уонна Халымаҕа +12+17° кыраадыс сылаас, хоту 0,+5° кыраадыс.

Дьокуускайга салгын температурата түүн +1+3°, күнүс +11+13° кыраадыс сылаас. Түүн сөҥүүтэ суох, күнүс кыралаан ардыыр, соҕуруулуу-илинтэн сөкүүндэҕэ 3-8 м. түргэннээх тыаллаах.