Ыам ыйын 16 күнэ: сөрүүн, инчэҕэй хаар, ардах түһэр

Саха сирин синоптиктара ыам ыйын 16 күнүгэр Эдьигээн, Эбээн-Бытантай, Дьааҥы, Абый, Муома, Орта Халыма, Үөһээ Халыма, Нерюнгри оройуоннарынан сөкүүндэҕэ 15-20 м. түргэннээх күүстээх силлиэ тыал түһэрин туһунан сэрэттилэр. Бу туһунан УГМС саайта иһитиннэрэр.

Күнүс Нерюнгри оройуонугар ардах, ардыгар инчэҕэй хаар түһэр. Атын улуустарынан, соҕуруу, илин оройуоннарынан ардыыр, сорох кэмҥэ инчэҕэй хаар түһэр. Хоту улуустарынан хаардыыр, күнүс инчэҕэй хаар түһэрэ сабаҕаланар. Кыра тыаллаах, хоту байҕал кытылынан, Өлүөнэ эбэ алын тардыытынан, хотугулуу-илин, соҕуруу сорох сиринэн сөкүүндэҕэ 15-20 м. түргэннээх күүстээх дохсун тыаллаах.

Салгын температурата түүн -2,+3°, хоту -2-7°,хотугулуу-арҕаа -7-12°, күнүс +4+9°, соҕуруулуу-илин +10+15°, хоту байҕал кытылынан -2-7° кыраадыс тымныы.

Дьокуускайга арҕаттан сөкүүндэҕэ 3-8 м. түргэннээх тыаллаах. Салгын температурата түүн +1+3°С, күнүс +7+9°С кыраадыс.