Ыам ыйын 19-20 күннэригэр күүстээх магнитнай буурҕалар түһэллэр

Бүгүн, ыам ыйын 19 күнүгэр Күн дьайыыта Сиргэ күүһүрэр кэмэ саҕаланар.

Сарсыарда 6.00 чаастан Күн муҥутуурдук Сиргэ дьайар. Күн дьайыытын бэлиэтэ кыһыл көрдөрүүнү аһардан, G1 таһымнаах күүстээх магнитнай буурҕа Сиргэ түөрт чаас устата түһүөҕэ. Ол гынан баран, муҥутуур бэлиэни аһарыытын кэнниттэн, магнитнай буурҕа дьайыыта нуормаҕа түһэрэ күүтүллүбэт. Күн ортото магнитнай буурҕа таһыма кыратык чэпчиир уонна күүһэ кыратык намтыыр. Ол эрээри, бу намтааһын кыра буолара күүтүллүбэт. Эбиэттэн киэһэ 16:00 чааска Кр-индексэ аҕыйах чаас устата 4 баалга диэри түһүөҕэ. Ол кэнниттэн кыамтата сарсыардааҥы көрдөрүүлэргэ тэҥнэһиэҕэ.

Ыам ыйын 20 күнүгэр магнитнай буурҕа арыый да мөлтүүр. Сарсыардаттан Кр-индексэ 3,5-4 баалга диэри түһэр. Күн ортотун диэки өссө биир баал намтыыр. Оттон 16:00 чаас кэнниттэн индексэ төттөрү үрдүүр, ол гынан баран Сиргэ дьайыыта намыһах буолар.

Күүстээх магнитнай буурҕа кэмигэр сүрэх-тымыр ыарыылаах дьон хаан баттааһыннара түһүөн-тахсыан, доруобуйалара мөлтүөн сөп. Онон бу күннэргэ бэйэни кэтэнэн көрөн, ноҕуруускаламмакка сылдьыахха наада. Маны тэҥэ, араадьыйа, сибээс, сир аргыстарын үлэлэригэр харгыстар тахсыахтарын сөп.