Ыам ыйын 19 күнэ: сөрүүн, ардах, силлиэ тыаллаах

Саха сирин синоптиктара бүгүн, ыам ыйын 19 күнүгэр, Уус Маайа, Амма, Чурапчы, Алдан улуустарыгар сөкүүндэҕэ 15-20 м. диэри түргэннээх силлиэ тыал түһэрин сэрэтэллэр. Бу туһунан УГМС саайта иһитиннэрэр.

Өрөспүүбүлүкэҕэ соҕуруулуу-илин, соҕуруу, киин улуустарынан, арҕаа оройуоннарынан, Өлүөнэ өрүс алын тардыытынан ардыыр. Соҕуруу, соҕуруулуу-илин инчэҕэй хаар түһэр, хоту оройуоннарынан хаардыыр.

Салгын температурата түүн +1+6 °, хотугулуу-арҕаа, хоту, арҕаа -2,-7°, күнүс +13+18 °, арҕаа +8+13°, соҕуруу, хотугулуу-арҕаа оройуоннарынан, Халымаҕа +2+7 °, хоту байҕал кытылынан 0-5 ° кыраадыс тымныы.

Дьокуускайга ардах түһэр, күнүс сөҥүүтэ суох, илинтэн сөкүүндэҕэ 3-8 м. түргэннээх тыаллаах, сорох кэмҥэ сөкүүндээҕэ 9-14 м. түргэннээх дохсун тыалырыа.