Ыам ыйын 20 күнүгэр Дьокуускайтан Аллараа Бэстээххэ диэри парому ыытан көрүөхтэрэ

Кэлэр нэдиэлэ саҥатыгар Дьокуускай – Аллараа Бэстээх икки ардыгар өрүһү туорааһыҥҥа паром бастакы тиэхиньиичэскэй эриэйсэтин ыытан көрөр былааннаахтар. Ити туһунан “Саха сирин паромнара” салайар хампаанньа салайааччыта Николай Ефимов СИА-ҕа иһитиннэрбит. СӨ Сыанаҕа бэлиитикэтин судаарыстыбаннай кэмитиэтэ саҥа мэтиэдикэнэн суоттаныллыбыт тарыыбы олохтообут.

“Бастакы тиэхиньиичэскэй эриэйсэни кэлэр нэдиэлэ саҥатыгар – оптуорунньукка ыытар былааннаахпыт. Ааспыт сылларга курдук муус хайдах барарыттан тутулуктаах. Муус хаалбыт буоллаҕына суудуналарга кутталлаах. Уу суолун аһыллыытын туһунан өрүс олоччу ыраастаннаҕына, бэлиэлэр турдахтарына биллэриэхпит” – диэн Николай Ефимов СИАҕа эппит. Ыам ыйын 19 күнүттэн шлагбаумнары, светофордары туруоруу саҕаланарын бэлиэтээбит.

Өрүһү туоратыыга паром сыаната

СӨ Сыанаҕа бэлиитикэтин судаарыстыбаннай кэмитиэтэ тарыыбы хас биирдии тырааныспар паромҥа төһө миэстэни ыларыттан аттаран суоттаабыт.

Кыра массыыналар:

— ордук кыра, 4,0 м диэри уһуннаах – 1 150 солк.;

— кыра, 4,01 — 4,6 м диэри уһуннаах – 1400 солк. уо.д.а.

Дьону таһар мааркалаах оптуобустар:

— кыра, 5 м диэри уһуннаах – 2500 солк.;

— орто, 5,01 — 10 м диэри уһуннаах – 3350 солк.;

— улахан, 10,01 м тахса уһуннаах – 4400 солк.

Таһаҕас тиэйэр, бортовой, самосвал уонна шасси массыыналар:

— ордук кыра, 7,09 м диэри уһуннаах – 1 550 солк.;

— кыра, 7,09 м диэри уһуннаах – 2 600 солк.;

— орто, 7,1 – 8,09 м диэри уһуннаах – 4 950 солк.;

— улахан, 8,1 – 10,09 м диэри уһуннаах – 6 150 солк.;

— ордук улахан, 24 туоннаҕа диэри – 9 300 солк.;

— 30 туоннаҕа диэри – 11 200 солк.;

— 30 туоннаттан үөһэ – 14 800 солк.

Мотороллер, матасыыкыл бары маарката – 300 солк.