Хаартыска: www.sakha.gov.ru
Ыам ыйын 22 күнүнээҕи туругунан өрөспүүбүлүкэҕэ ойуур уонна ландшафтнай баһаар бэлиэтэммэтэ. Бу туһунан бүгүн брифинг кэмигэр СӨ экологиятын, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.
Өрөспүүбүлүкэ сиригэр-уотугар баһаар кутталлаах кэмэ саҕаланыаҕыттан барыта 41 айылҕа баһаара бэлиэтэннэ, ол иһигэр 30 гектар кэриҥэ иэннээх сиргэ сэттэ ойуур баһаара уонна 1 082 га иэннээх сиргэ 34 ландшафтнай баһаар диэн Андрей Коноплев санатан эттэ.
“Ааспыт сууккаҕа авиация биир даҕаны ойуур баһаарын булбата. ЕСДМ систиэмэтин хонтуруолугар кэлиҥҥи биэс сууккаҕа 44 уот турбут сирэ (термоточка) баар. Хайатыгар даҕаны улаатыы бэлиэтэммэт”, — диэн кини бэлиэтээтэ.
Ол да буоллар, Саха сирин бары улуустарыгар баһаар кутталлаах кэмэ биллэриллибитинэн, Андрей Коноплев Саха сирин олохтоохторун, ол иһигэр булчуттары, тыа хаһаайыстыбатын оҥорон таһаарааччыларын ойуурга уонна аттынааҕы сирдэргэ уоту оттубаттарыгар ыҥырда: өрт уотун умаппатарыгар, онтон булчуттар гаас мобильнай плиткатынан туһаналларыгар.
Ил Дархан уонна Бырабыыталыстыба пресс-сулууспата.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…