Салгыы
Ыам ыйын 31 күнүгэр “Саха сиригэр оҥоһуллубут. Үөрэхтээһин” бырайыактар дьаарбаҥка ыытыллыаҕа

Ыам ыйын 31 күнүгэр “Саха сиригэр оҥоһуллубут. Үөрэхтээһин” бырайыактар дьаарбаҥка ыытыллыаҕа

29.05.2024, 10:00
Хартыына: minobrnauki.sakha.gov.ru
Бөлөххө киир:

Өрөспүүбүлүкэҕэ креативнай нэдиэлэ иитинэн ыам ыйын 31 күнүгэр Үөрэх уонна билим министиэристибэтэ “Саха сиригэр оҥоһуллубут. Үөрэхтээһин” бырайыактар дьаарбаҥканы ыытыаҕа.

Тэрээһин креативнай индустрияны сайыннарар, инсайт атастаһыытыгар уонна суолталаах быһаарыылары ылынар былаһаакканан буолар аналлаах.

Үөрэх тэрилтэлэрэ креативнай индустрия эйгэтигэр бастыҥ ситиһиилэрин көрдөрүөхтэрэ: преподавателлэр, устудьуоннар гипсэттэн оҥоһуллубут фигураларга, таптайан, охсон оҥоһуллар уус-уран оҥоһуктарга, “Балтурмас”, “Аптаах мозаика”, “Гипсэттэн оҥоһуктар”, “Ювелир дьыалата”, “Парикмахер ускуустубата”, “Олбох”, “Салама”, “Браслет”, көмүс оҥоһугу ыраастааһыҥҥа маастар-кылаастары биэриэхтэрэ.

Уус-уран ускуустуба, ювелирнай оҥоһуктар, VR, преподавателлэр мэтиэдикэҕэ оҥоһуктарын быыстапката туруоҕа. Устудьуоннар үлэлэрэ атыыланыаҕа. Идэҕэ эрдэттэн туһаайар хайысхаҕа сүбэлэри-амалары биэриэхтэрэ.

Оскуола биисинэс-инкубатордарын бэрэстэбиитэллэрэ —  И.Е.Винокуров аатынан Хатыҥ Арыы оскуолата, Тихонова аатынан Түөлбэ киин (Нам улууһа) уонна Лукина аатынан эбии үөрэхтээһин киинэ (Горнай улууһа), Хатастааҕы “Ситим” айар дьиэ бэйэлэрин бастыҥ бырайыактарын көрдөрүөхтэрэ.

Барыгытын ыам ыйын 31 күнүгэр 11.00-16.00 чааска Дьокуускай куорат Орджоникидзе уул. 4-с нүөмэрдээх дьиэтигэр Арктикатааҕы култуура уонна ускуустуба судаарыстыбаннай институтугар күүтэбит. Бу туһунан Үөрэх уонна билим министиэристибэтин пресс-сулууспата иһитиннэрэр.

+1
1
+1
0
+1
0
+1
1
+1
0
+1
0
+1
1
Бары сонуннар
Салгыы
23 июня
  • 21°C
  • Ощущается: 21°Влажность: 64% Скорость ветра: 5 м/с

Сообщить об опечатке

Текст, который будет отправлен нашим редакторам: