Ыам ыйын 4 күнэ: күүскэ тыалырыа уонна 13 кыраадыска тиийэ сылыйыа

Соҕуруу диэки тыалырыаҕа, күүһүрэр кэмигэр 15-17 м/с диэри тиийиэҕэ.

Синоптиктар кэлэр сууккаҕа Горнай улууһун Бэс Күөллээҕи быстах кэмҥэ үлэлиир пуунун диэкинэн күүстээх тыал түһүөҕүн иһитиннэрдилэр. Муус устар 3 күнүн сарсыардатын туругунан, манна уу таһыма 1022 см тиийдэ, бу критическэй бэлиэттэн 22 см үрдүк. Муус устар 4 күнүгэр уу таһыма эбии 10–20 см үрдүүрэ күүтүллэр.

УГМС саайта иһитиннэрбитинэн, Саха сирин соҕуруу өттүгэр кыратык хаардыа, сорох сиринэн инчэҕэй хаар түһүө, күнүһүн ардахтаах буолуоҕа, өрөспүүбүлүкэ илин өттүгэр кыратык хаардыа. Соҕуруу диэки тыал түһүөҕэ, күүһүрэр кэмигэр 15-17 м/с диэри тиийиэҕэ.

Түүн киин улуустарга салгын температурата -3… +2°, арҕаа -3… -8°, хотугулуу-илин -9… -14°, Халыма-Индигиир улуустарыгар -13… -18° буолуоҕа. Күнүс киин улуустарга +8… +13°, арҕаа диэки +3… +8°, ​​хотугулуу-илин -2… +3° тиийиэҕэ.

Дьокуускайга сөҥүү түспэт, хотугулуу-арҕааттан 5-10 м/с. тыал түһүөҕэ. Түүнүн температура -1… +1°, күнүһүн +11… +13° буолуоҕа.