Ыам ыйын 4 күнүгэр өрүстэр туруктара

Өрөспүүбүлүкэҕэ ыам ыйын 4 күнүгэр Өлүөнэ өрүс түөрт хонугунан эрдэлээн, Витим бөһүөлэгин аннынан эһиннэ.

Өлүөхүмэ өрүскэ Дьиикимдэ — Куду Күөл оройуонун таһыгар уу таһыма сууккаҕа 5-тэн 25 см диэри үрдээбит.

Алдан өрүскэ уу таһыма сууккаҕа 10-тан 50 см эбиллибит, муус үрдүнэн уу устар, муус хараарбыт.
Амма өрүскэ ыам ыйын 3 күнүгэр муус 6 хонук иннинэ хамсаата. Уу таһыма Мээндиги аннынан 435 см бэлиэҕэ тиийдэ.

Бүлүү өрүскэ уу таһыма -4-тэн 8 см диэри эбиллэр, муус турар.

Хоту уонна хотугулуу-илин өрүстэр тураллар.

Нэһилиэнньэҕэ куттала суох буолуу хааччыйыытын боппуруостара толору быһаарылыннылар. Гидрологическай балаһыанньа мөлтөөтөҕүнэ, ЫБММ сулууспатын быыһааччылара үлэлии тахсаллара күүтүллэр, РСЧС өттүттэн 17 киһи уонна 4 тиэхиньикэ тардыллыаҕа.