Ыам ыйын 5 күнэ: Саха сирин өрүстэрин туруга

Дьокуускайдааҕы гидрометкиин иһитиннэрбитинэн, ыам ыйын 5 күнүнээҕи туругунан,  Өлүөнэ өрүс  мууһун алын кытыыта  Иркутскай уобалас территориятынан устар. 

Өлүөхүмэ өрүс мууһа урукку сыллардааҕар икки хонугунан эрдэлээн, ыам ыйын 5 күнүгэр хамсаата.  Уу таһыма 0,9 м. Дьикимдэ — Куду Күөл учаастагынан ыам ыйын 7-9 күннэригэр хамсыыра сабаҕаланар.

Витим өрүскэ уу таһыма кыратык үрдээтэ, ырбыы тахсыбыт.

Тээнэ өрүс уута суукка иһигэр 25 см үрдээтэ, ырбыыламмыт.  Өрүс мууһа ыам ыйын  7-8 күннэригэр эстэрэ күүтүллэр.

Алдан өрүскэ уу таһыма 10-тан  30 см үдээбит, ырбыыламмыт.

Амма уонна Бүлүү өрүстэргэ  суукка иһигэр уу таһыма 5-10 см үрдээбит, ырбыы тахсыбыт.