Ыам ыйын 8 күнүгэр “Кыайыы знамята” өрөспүүбүлүкэтээҕи эстэпиэтэ түмүктэниэҕэ

Ил Дархан Айсен Николаев көҕүлээһининэн  ааспыт сыл ахсынньытыттан саҕаламмыт “Кыайыы Знамята” эстэпиэтэ  түмүктэниэҕэ.

««Кыайыы Знамята» эстэпиэтэ  өрөспүүбүлүкэ бары оройуоннарыгар буолан ааста. Эстэпиэтэ түмүк тэрээһининэн ыам ыйын 8 күнүгэр сарсыарда 11.00 чаастан Дьокуускайга Кыайыы болуоссатыгар Кыайыы Знамятын көрсүү буолуоҕа. Биһиги өрөспүүбүлүкэ барыта Кыайыы Знамятын тула муһунна – Знамя улуустарга барытыгар, ол иһигэр Арктика улуустарыгар, сырытта диэн этиэхпитин сөп”,- диэн СӨ Ыччат сайдыытын дьыалаларыгар уона социальнай коммуникацияларга миниистири солбуйааччы Андрей Сосновскай ыам ыйын 7 күнүгэр  “Актуальное интервью” биэриигэ эттэ.

“Кыайыы Знамята” эстэпиэтэ бүгүн “Жатай” куорат уокуругар салҕанар. Жатайдар эстэпиэтэни  Анаабыр национальнай (долган-эбэҥки) улууһугар туттулар. Ыам ыйын 8 күнүгэр Кыайыы Знамятын  Дьокуускайга көрсүөхтэрэ.