Ыам ыйын 9 күнэ: ардах, тыал уонна +17 кыраадыс

Бүгүн, ыам ыйын 9 күнүгэр, Саха сирин сорох улуустарыгар +17 кыраадыс буолара күүтүллэр диэн УГМС иһитиннэрэр.

Арҕаа, хотугулуу-арҕаа сорох сирдэринэн ардах, хотугулуу-илин кыра сөҥүү түһэрэ күүтүллэр.

Хотугулуу-илин сөкүүндэҕэ 9-14 миэтэрэ түргэннээх тыаллаах, күнүс арҕаа уонна өрүс кытылыгар сөкүүндэҕэ 15-20 миэтэрэ түргэннээх тыаллаах.

Түүн салгын температурата 0,-5°, былыттаах буоллаҕына, арҕаа сөҥүү түстэҕинэ уонна киин улуустарга 0,+5°, хоту, хотугулуу-илин -5-10°, өрүс кытылынан -12-17°, күнүс киин улуустарга, соҕуруулуу-илин +12+17°, атын улуустарга +7+12°, хоту, хотугулуу-илин +2+7°.