Ыам ыйын 9 күнүгэр Дьокуускайга салют ытыахтара

Дьокуускайга Кыайыы 80 сылын киэҥник бэлиэтээри бэлэмнэнэллэр. Тэрээһиннэр бырагыраамаларыгар байыаннай-патриотическай аахсыйалар, кэнсиэрдэр, итиэннэ байыаннай дьайыы саҕаланыаҕыттан бастакытын бырааһынньыктааҕы салюту ытыахтара диэн киин куорат мээрийэтэ иһитиннэрэр.

Тэрийээччилэр бэлэмнэнии үлэтин ыам ыйын 5 күнүгэр түмүктүүр былааннаахтар. Кыайыы 80 сылын бэлиэтиир сүрүн тэрээһиннэр ыам ыйын 8-9 күннэригэр ыытыллыахтара. Дьокуускайга Орджоникидзе болуоссатыттан Доҕордоһуу болуоссатыгар диэри «Кыайыы проспега» диэн уопсай ааттаах араас локациялар тэриллиэхтэрэ.

Салюту Кыайыы болуоссатыгар ытыахтара.