Ыам ыйын бастакы күнүгэр телебашня араас өҥүнэн сандаарыаҕа

Дьокуускай куоракка Үлэ бырааһынньыгар ыам ыйын 1 күнүгэр телебашня араас өҥнөрүнэн сандаарыаҕа. Ол туһунан тэлэбиидэнньэнэн көрдөрөр уонна араадьыйанан иһитиннэрэр Арассыыйатааҕы ситим (РТРС) иһитиннэрдэ.

Ол курдук, бырааһынньыктааҕы уот киэһээ 22:00 чаастан 00:00 чааска диэри үөрүүлээх быһыыга-майгыга күлүмүрдүү оонньуоҕа.

Санатан эттэххэ, ыам ыйын 1 күнэ — дойду үрдүнэн өрөбүл күн. Быйыл Пиэрибэй маайдааҕы параад буолбат. Бырааһынньыктааҕы аахсыйалар онлайн-киэбинэн ыытыллыахтара.