Ыам ыйын билгэтэ

Ыам ыйа үүннэ. Бастакы кус кэлиитэ, бастакы күөххэ үктэнии — барыта «бастакы»…

Ыам ыйын күннэринэн билгэтэ:

Ыам ыйын 6 күнэ — Дьөгүөрэйэп. Бастакы кус кэлэр. От бытыгырыыр, сүөһү уостаан аһыыр.
Ыам ыйын 8 күнэ — ырыаһыт чыычаахтар тоҕо анньан көтөн кэлэр кэмнэрэ.
Ыам ыйын 12 күнэ — хаһыҥ түһүөн сөп.
Ыам ыйын 13 күнэ — киэһэлик ичигэс, уу-чуумпу. Бу күн сулустаах түүн буоллаҕына — ардаҕа суох сайын.
Ыам ыйын 14 күнэ — Дьэрэмэйэп күнэ.  Үчүгэй күн буоллаҕына — күһүнэ өлгөм үүнүүлээх. Хаҕыс күн буоллаҕына, кыһына — тымныы.
Ыам ыйын 19 күнэ — бастакы сиик түһэр. Сиигэ элбэх буоллаҕына, күһүн элбэх оҕурсуну хомуйуоҥ.
Ыам ыйын 22 күнэ — сааскы Ньукуола. Кэҕэ этэр, сүөһү мэччийэн аһыыр. Сайыҥҥы хонук саҕаланар.

Ыам ыйын 26 күнэ  –  ыам  бырдаҕа, хортуоппуйу олордуу кэмэ.
Ыам ыйын 28 күнэ — сылаас күн буоллаҕына, куйаас сайын. Ый туолуута. Сайылыкка көһүү кэмэ.

Ыам ыйын 28 күнүттэн бэс ыйын 4  күнүгэр диэри – ыам собо кэмэ.