Хаартыска: СИА
Саха сиригэр ыам ыйын бүтүүтэ «Манчаары оонньуулара» успуорт национальнай көрүҥнэригэр ХХІ спартакиадаҕа сүүмэрдиир күрэхтэһиилэр ыытыллыахтара. Бу туһунан СИА иһитиннэрэр.
От ыйын 7-12 күннэригэр Таатта улууһугар бүтэһик путевкалар оонньонуохтара. Оттон Дьокуускайга ыам ыйын 26-28 күннэригэр чэпчэки атлетикаҕа күрэхтэһии чэрчитинэн квалификационнай күрэхтэһиилэр буолуохтара. Күрэхтэһиигэ 2007 сыллааҕы төрүөх уонна онтон балыс саастаах уолаттар, кыргыттар кыттыахтара. Икки хайысханан дистанцията — 100 м., итини таһынан кыргыттар — 3000 м., уолаттар — 5000 м. сүүрүөхтэрэ.
Ол кэннэ, ыам ыйын 30 уонна 31 күннэригэр, киин куоракка «Туймаада» стадиоҥҥа, үөрэнээччилэр ортолоругар национальнай ыстаҥаҕа первенство ыытыллыаҕа. Кыттааччылар ортолоругар кылыыга, ыстаҥаҕа уонна куобахха бастыҥнары быһаарыахтара, ону тэҥэ үс көрүҥүнэн кыайыылаахтар биллиэхтэрэ. Бэс ыйыгар сахалыы ыстаҥаҕа, чэпчэки атлетикаҕа, улахан дьоҥҥо үгэс буолбут оҕунан ытыыга квалификационнай күрэхтэһиилэр буолаллара былааннанар.
Бэлиэтээн эттэххэ, бүгүҥҥү күҥҥэ «Манчаары оонньууларыгар» мас тардыһыыга, хапсаҕайга, гиирэни анньыыга, национальнай многоборьеҕа, хотугу многоборьеҕа, буулдьанан ытыыга, остуол оонньууларыгар путевка барыта оонньоммута.
Таатта улууһугар спартакиадаҕа барыта 1700-тэн тахса спортсмен кыттара күүтүллэр.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…