Валерий Заровняев хаартыскаҕа түһэриитэ
Улуу Кыайыы 80 сылынан Суотту нэһилиэгин Хоноҕордооҕу «Түһүлгэ» сынньалаҥ киинигэр бэртээхэй тэрээһин буолла.
Ол курдук, «Ыам ыйын киэһээтэ» квартирник киэбинэн Аҕа дойду сэриитин кэминээҕи уонна аныгы патриотическай ырыаларынан кэнсиэр олохтоохтору сэргэхситтэ. Бу бэрт кэрэхсэбиллээх тэрээһин тутулун толкуйдаан ырыалары «Түһүлгэ» сынньалаҥ киин музыкаҕа исписэлииһэ Владимир Охлопков бэлэмнээтэ. Сценарийы кулууп уус-уран салайааччыта Бубякина В.С., Суотту модельнай бибилэтиэкэтин сэбиэдиссэйэ Черкашина Р.Н. бэлэмнээтилэр уонна ыыттылар.
Кулууп сэбиэдиссэйэ Гоголева Е.Н. тэрээһиҥҥэ кэлбит дьону эҕэрдэлээтэ уонна квартирник ис хоһоонун, сүрүн сыалын билиһиннэрдэ. Салгыы С.С. Васильев-Борогонскай аатынан Хоноҕордооҕу сүрүн оскуола үөрэнээччилэрин толорууларыгар уус-уран ааҕыылар, музыкальнай нүөмэрдэр, Уус Алданнааҕы техникум үлэһиттэрин ырыалара көрөөччүлэр болҕомтолорун тартылар. Аҕа дойду сэриитигэр олоҕун толук уурбут албан ааттаах политрук Тимофей Тимофеевич Татаринов фронтан суругун сиэнэ Татаринов Тимофей Владимирович аахпыта барыбытын улаханнык долгутта.
Тэрээһин иккис чааһыгар нэһилиэкпит ылбаҕай ырыаһыттара урукку ырыалары толордулар. Оччотооҕу кэм лирическэй, патриотическай ис киирбэх ырыалара бииртэн биир нэһилиэкпит бастыҥ ырыаһыттарын толорууларыгар тыыннаах музыканан доҕуһуолланна. Манна Зоя Заровняева, Парасковья Каратаева, Алена Стрекаловская, Айсен Егоров, Филипп Габышев, Владимир Охлопков, уо.д.а. кыттыыны ыллылар. Ырыалары Бороҕоннооҕу оҕо ускуустубатын оскуолатын Суоттутааҕы филиалын уһуйааччыта, СӨ култууратын туйгуна Наталья Заровняева фортепианоҕа, Владимир Охлопков гитараҕа доҕуһуоллаатылар.
Түмүккэ талааннаах музыкант, ырыаһыт Владимир Охлопков көҕүлээһининэн тэриллибит, урукку өттүгэр нэһилиэкпитигэр буолбатах саҥа киэбинэн ыытыллыбыт тэрээһини көрөөччүлэр олус сөбүлээбиттэрин биллэрдилэр. Тэрээһин истиҥник, сэргэхтик, кэрэхсэбиллээхтик буолбутугар махтаннылар.
Раиса Черкашина,
Суотту, Уус Алдан.
Валерий Заровняев хаартыскаларга түһэриитэ
Былыргы сахалар киһини сирэйинэн, илиитинэн кимин-тугун сылыктыыллара. Киһи 40 сааһын аастаҕына сирэйэ, тас көрүҥэ аны…
Саха ньургун уола Сүөдэр Попов туһунан бэрт элбэх хоһоон суруллан, уостан түспэккэ ылланар ырыалар буоланнар…
Бүлүүгэ балыыһаҕа үһүс мэндиэмэнтэн сууллубут биир саастаах оҕону балыыһаҕа киллэрбиттэр. Хайдах охтубутун быһаарыы улуус борокуратууратын хонтуруолугар…
Бүгүн сарсыарда Саха сиринээҕи ЫБММ телеграм-ханаалыгар суруйалларынан, өрөспүүбүлүкэ өрүстэрин туруга маннык. Өлүөнэ өрүскэ Ленскэй улуус…
[gallery ids="49309,49310,49307,49308"]
Бэҕэһээ Дьокуускайдааҕы 1-кы нүөмэрдээх полиция дьуһуурунай чааһыгар инбэлиит оҕом сүттэ диэн олохтоох дьахтар тиийэн сайабылыанньа…