Валерий Заровняев хаартыскаҕа түһэриитэ
Улуу Кыайыы 80 сылынан Суотту нэһилиэгин Хоноҕордооҕу «Түһүлгэ» сынньалаҥ киинигэр бэртээхэй тэрээһин буолла.
Ол курдук, «Ыам ыйын киэһээтэ» квартирник киэбинэн Аҕа дойду сэриитин кэминээҕи уонна аныгы патриотическай ырыаларынан кэнсиэр олохтоохтору сэргэхситтэ. Бу бэрт кэрэхсэбиллээх тэрээһин тутулун толкуйдаан ырыалары «Түһүлгэ» сынньалаҥ киин музыкаҕа исписэлииһэ Владимир Охлопков бэлэмнээтэ. Сценарийы кулууп уус-уран салайааччыта Бубякина В.С., Суотту модельнай бибилэтиэкэтин сэбиэдиссэйэ Черкашина Р.Н. бэлэмнээтилэр уонна ыыттылар.
Кулууп сэбиэдиссэйэ Гоголева Е.Н. тэрээһиҥҥэ кэлбит дьону эҕэрдэлээтэ уонна квартирник ис хоһоонун, сүрүн сыалын билиһиннэрдэ. Салгыы С.С. Васильев-Борогонскай аатынан Хоноҕордооҕу сүрүн оскуола үөрэнээччилэрин толорууларыгар уус-уран ааҕыылар, музыкальнай нүөмэрдэр, Уус Алданнааҕы техникум үлэһиттэрин ырыалара көрөөччүлэр болҕомтолорун тартылар. Аҕа дойду сэриитигэр олоҕун толук уурбут албан ааттаах политрук Тимофей Тимофеевич Татаринов фронтан суругун сиэнэ Татаринов Тимофей Владимирович аахпыта барыбытын улаханнык долгутта.
Тэрээһин иккис чааһыгар нэһилиэкпит ылбаҕай ырыаһыттара урукку ырыалары толордулар. Оччотооҕу кэм лирическэй, патриотическай ис киирбэх ырыалара бииртэн биир нэһилиэкпит бастыҥ ырыаһыттарын толорууларыгар тыыннаах музыканан доҕуһуолланна. Манна Зоя Заровняева, Парасковья Каратаева, Алена Стрекаловская, Айсен Егоров, Филипп Габышев, Владимир Охлопков, уо.д.а. кыттыыны ыллылар. Ырыалары Бороҕоннооҕу оҕо ускуустубатын оскуолатын Суоттутааҕы филиалын уһуйааччыта, СӨ култууратын туйгуна Наталья Заровняева фортепианоҕа, Владимир Охлопков гитараҕа доҕуһуоллаатылар.
Түмүккэ талааннаах музыкант, ырыаһыт Владимир Охлопков көҕүлээһининэн тэриллибит, урукку өттүгэр нэһилиэкпитигэр буолбатах саҥа киэбинэн ыытыллыбыт тэрээһини көрөөччүлэр олус сөбүлээбиттэрин биллэрдилэр. Тэрээһин истиҥник, сэргэхтик, кэрэхсэбиллээхтик буолбутугар махтаннылар.
Раиса Черкашина,
Суотту, Уус Алдан.
Валерий Заровняев хаартыскаларга түһэриитэ
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…