Хаартыска: Мария Васильева, СИА.
СӨ Ил Дархана Айсен Николаев Ил Түмэҥҥэ туһаайыытыгар эппит сорудаҕынан, дойду бэрэсидьиэнэ “ыам ыйынааҕы” ыйааҕар хапсыбатах кыра хамнастаах квалификациялаах 24 тыһыынча үлэһит хамнаһын үрдэтиэхтэрэ. Өрөспүүбүлүкэ Бырабыыталыстыбата маныаха баазовай уурааҕы ылыммыт.
Санатан эттэххэ, Айсен Николаев “ыам ыйынааҕы” ыйаахха хапсыбатах үлэһиттэр хамнастарын 2023 сыл бастакы кыбартаалыгар индексациялаан, үлэ төлөбүрүн алын кээмэйиттэн (МРОТ) намыһаҕа суох гына үрдэтэргэ (индексация) Бырабыыталыстыбаҕа сорудах биэрбитэ. Ону кытта тэҥҥэ, бүддьүөт эйгэтин квалификациялаах үлэһиттэрин туспа категориятын хамнаһын тэҥниир инниттэн эбии үбүлээһини көрөргө эппитэ.
Олунньуга өрөспүүбүлүкэ Бырабыыталыстыбата РФ бэрэсидьиэнин “ыам ыйынааҕы” ыйааҕар быһаарыллыбыт үлэһиттэр хамнастарын төлөбүрүн пуондатын эбэр туһунан уурааҕы ылыммыта. Манна бүддьүөт эйгэтин 54 тыһ. тахса үлэһитэ киирсэр, ол иһигэр учууталлар, иитээччилэр, педагогическай үлэһиттэр, үрдүк уонна орто үөрэх преподавателлэрэ, билим үлэһиттэрэ, быраастар, мэдиссиинэ орто уонна алын үлэһиттэрэ, социальнай уонна култуура эйгэтин үлэһиттэрэ хапсаллар.
“Саҥа уурааҕынан “ыам ыйынааҕы” ыйаахха хапсыбатах үлэһиттэр хамнастара эмиэ эбиллиэҕэ. Бу бэтэринээр, баһаарынай сулууспа, авиалесоохрана, социальнай көмүскэл эйгэтэ, экэнэмиис, буҕаалтыр, инженер, о.д.а. курдук бүддьүөт үлэһиттэрэ буолаллар. Бу сыалга анаан өрөспүүбүлүкэ судаарыстыбаннай бүддьүөтүттэн 1 млрд. солк. тахса үбү ыытыахтара”,— диэн Бырабыыталыстыба бэрэссэдээтэлин солбуйааччы Георгий Степанов бэлиэтээтэ.
СӨ Бырабыыталыстыбатын 2023 сыл кулун тутар 10 күнүнээҕи 92-с нүөмэрдээх уурааҕын тиэкиһин сиһилии манна ааҕыахха сөп.
Ил Дархан уонна Бырабыыталыстыба пресс-сулууспата.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…