СӨ нэһилиэнньэ олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин солбуйааччы Яна Владимировна Наумова байыаннай эпэрээссийэ инники кирбиитигэр баар байыастарга өрөспүүбүлүкэттэн тиэхиньиичэскэй өттүнэн көмүскэнэр тэриллэринэн, эминэн-томунан уо.д.а. эбии хааччыйыы бара турарын туһунан эттэ.
Кини онно кэмитиэт байыаннай чаастарга, буойуттарга көмөнү оҥоруута тохтоло суох салҕана турарын бэлиэтээтэ.
— 2022 сыл алтынньытыгар СӨ Бырабыыталыстыбата байыаннай эпэрээссийэҕэ кыттааччылары эбии хааччыйыыны сүрүннүүр уонна хардарыта бииргэ үлэлэһэр сыаллаах Суһал ыстаабы тэрийбитэ. Манна эппиэттээх биэдэмистибэнэн СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэтэ анаммыта. Онон биһиги быстах хомуурунан ыҥырыллыбыт дьону хааччыйыы боппуруостарын хонтуруолга ылан, түргэнник быһаарыыга өрөспүүбүлүкэ судаарыстыбаннай уорганнарын салайааччыларын, улуустар салалталарын күүстэрин түмэн үлэлиибит. Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт байыаннай чаастарга, буойуттарга көмөнү оҥоруута тохтоло суох салҕанар. Ол курдук, кэмитиэт БПЛА көтөр аппарааттар, түүн хараҥаҕа көрөр прибордар, тепловизионнай бинокллар, электроника, араадьыйа сибээһин тэриллэрэ, бронежилеттэр, шлемнэр, массыыналар, байыаннай усулуобуйаҕа сөптөөх мал-сал уо.д.а. наадалааҕы тиксэрэ турар.
Маны сэргэ «Боотур» үөрэтэр киин көмөтүнэн байыаннай эпэрээссийэҕэ быстах хомуурунан уонна баҕа өттүнэн барааччылары үөрэтэр куурустар тэриллэн үлэлииллэр. БПЛА (квадрокоптер) операторын бэлэмнээһини сэртипикээттээх инструктордар үөрэтэ сылдьаллар.
Бу үлэни таһынан, Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт Донецкайтан, Луганскайтан кэлбит дьон быстах кэмҥэ олорор пууннарын тэрийиигэ, аһынан-үөлүнэн хааччыйыыга үлэлиир. Ол курдук, СӨ Бырабыыталыстыбата 2022 сыл кулун тутар 5 күнүгэр таһаарбыт дьаһалынан, 784 киһиэхэ тоҕус пуун бэлэмнэммитэ. Олор Нерюнгри, Мииринэй оройуоннарыгар тэриллибиттэрэ. Ыам ыйын 15 күнүнээҕи туругунан, Дьокуускайга баар пууҥҥа 13 киһи, ол иһигэр икки оҕо бааллар. Туга да суох кэлбит дьон кыһалҕата элбэх. Докумуон толорууттан саҕалаан үлэ, оскуола, уһуйаан көрдөөһүнэ, оҕо төрөөһүнэ, дьиэ-уот булунуу араас кыһалҕалара… Кэлбит дьон олорор сиринэн, үлэнэн хааччыллан, оҕолоро оскуолаҕа, оҕо саадыгар сылдьыыларын, докумуоннарын толоруу бары боппуруостара быһаарсыллаллар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…