Украина аҕыс сылы быһа сүгүн олордубакка, араастаан кыһарыйарыттан куотан, эйэлээх олоххо наадыйан, Донецкай, Луганскай Норуодунай өрөспүүбүлүкэлэртэн Арассыыйа араас эрэгийиэннэригэр дьон көһөн кэлэ тураллар. Саха сиригэр кэлбит дьоҥҥо көмө тэрээһиннээхтик ыытыллар. Ол курдук бу дьон олорор сиринэн, үлэнэн хааччыллан, оҕолоро оскуолаҕа, оҕо саадыгар сылдьыыларын, докумуоннары толоруу курдук араас кыһалҕалаах боппуруостарын быһаарыыга былаас уорганнарын уонна олохтоох дьаһалталары кытта бииргэ үлэлииллэрин туһунан Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин солбуйааччы Яна Владимировна Наумова кэпсиир:
– Биһиги биэдэмистибэбит, Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэтэ, сүрүн үлэбит таһынан Донецкай, Луганскай уобаластартан кэлбит дьон быстах кэмҥэ олорор пууннарын тэрийиигэ, аһынан-үөлүнэн хааччыйыыга бүддьүөт үбүн-харчытын дьаһайааччынан ананан, үлэлиир. Ол курдук СӨ Бырабыыталыстыбата 2022 сыл кулун тутар 5 күнүгэр таһаарбыт № 178-р дьаһалынан 7 пуун бэлэмнэммитэ. Ол иһигэр Нерюнгри оройуонугар 2 быстах олорор пуун, Мииринэй оройуонугар 3 пуун, Дьокуускайга 2 пууна тэриллибиттэрэ. Пууннар хайдах үлэлииллэрин өрөспүүбүлүкэ туһааннаах министиэристибэлэрин, биэдэмистибэлэрин кытта бииргэ көрөр-истэр, кэлбит дьону кытта көрсөр, кэпсэтэр сыаллаах бара сылдьыбыппыт. Көмөҕө наадыйар дьонтон киирэр сайаапканан министиэристибэлэри, биэдэмистибэлэри кыттыһыннаран, туох кыаллар көмөнү оҥоробут. Оттон туга да суох кэлбит дьон кыһалҕата элбэх – докумуон толорууттан саҕалаан үлэ, оскуола, уһуйаан көрдөөһүнэ, оҕо төрөөһүнэ, дьиэ-уот булунуу араас кыһалҕалара.
Сэтинньи 23 күнүнээҕи туругунан өрөспүүбүлүкэҕэ 771 киһи, 264 оҕо бэйэлэрин баҕаларынан кэлбиттэрэ. Кинилэр Нерюнгри, Мииринэй, Ленскэй, Алдан, Дьокуускай, Уус Маайа, Дьааҥы, Хаҥалас, Томпо улуустарыгар тиийэн, олохсуйан эрэллэр. Кэлбит дьон олорор сиринэн, үлэнэн хааччыллан, оҕолоро оскуолаҕа, оҕо саадыгар сылдьыыларын, докумуоннарын толоруу бары боппуруостарын былаас уорганнарын уонна олохтоох дьаһалталары кытта быһаарса олоробут.
Андрей Петрович Никифоров аатын сүгэр уулусса интерактивнай бэлиэтин билиһиннэриитэ буолла. Олох диэн улуу күүс, кини…
Бүгүн Абый улууһун олохтоохторо VIII "Азия оҕолоро" норуоттар икки ардыларынааҕы успуорт оонньууларын уотун уруйдуу көрүстүлэр.…
«Азия оҕолоро» норуоттар икки ардыларынааҕы успуорт оонньууларыгар 50-тан тахса тэрээһин култуурунай бырагыраама иһинэн бэс ыйын…
Сунтаар улууһун борокуратууратын урут сууттана сылдьыбыт олохтоох дьахтар холуобунай дьыалаҕа судаарыстыбаннай буруйдааһынын суут өйөөтө. Суут…
Кыһыҥҥы суолунан таһаҕаһы тиэйиини сүрүннүүр хамыыһыйа үлэтин түмүктэрин туһунан мунньаҕы вице-премьер Дмитрий Садовников тэрийэн ыытта.…
Ыам ыйын 9 күнүгэр күнүс 2 чаастан киэһэ 8 чааска диэри Дьокуускайга арыгы (ол иһигэр…