Японияттан массыына атыылаһаары, харчытын албыннаппыт

Кэнники сылларга түөкүттэр дьону албыннаан, үгүөрү үбү олордон ылаллара элбээтэ. Күн-түүн араас албастары толкуйдууллар.

Ааспыт өрөбүллэргэ өрөспүүбүлүкэ үс олохтооҕо түөкүттэргэ албыннаппытын туһунан үҥсүбүттэрин туһунан ИДьМ пресс-сулууспата иһитиннэрэр.

Мииринэй оройуонун 39 саастаах олохтооҕо түөкүттэр кини кыыһыгар үөрэх үлэһитин аатыттан эрийэннэр, 1195000 солкуобай кирэдьиит ылларан ыыттарбыттарын туһунан үҥсүбүт.

24 саастаах системнай администратор “ФСБ үлэһитэбин” диэн төлөппүөннээбит киһиэхэ 270 тыһыынча солкуобайын ыыппыт.

32 саастаах автоэлектрик Японияттан массыына атыылаһа сатаан, 1950000 солкуобайын сүтэрбит.