Ыар буруйу оҥорбут Дьокуускай олохтооҕо сууттаныаҕа

Дьокуускай куорат силиэстийэлиир салаата Дьокуускай куорат олохтооҕор холуобунай кодекс 111-с ыстатыйатын, 4-с чааһынан (доруобуйатыгар соруйан ыар эчэйиини оҥоруу түмүгэр алҕас эмсэҕэлээччини өлөрүү) холуобунай дьыаланы силиэстийэлээһини бүтэрдэ.

Холуобунай дьыалаҕа олоҕурдахха, быйыл бэс ыйын 16 күнэ үүнэр түүнүгэр буруйданааччы кыбартыыраҕа икки билэр киһитин кытта арыгылаабыт. Буруйданааччы уонна өлбүт киһи икки ардыгар кыра түгэнтэн сылтаан мөккүөр тахсыбыт.

Мөккүөр кэмигэр буруйданааччы эмсэҕэлээччини хаста даҕаны төбөҕө, этигэр-сиинигэр охсуталаабытын түмүгэр, сотору буолан баран эр киһи быһылаан тахсыбыт сиригэр өлбүт.

Борокуруор буруйдуур түмүгү бигэргэппитин кэннэ, холуобунай дьыаланы суут көрүүтүгэр ыыппыттар.