Хаартыска: Ярославскай аатынан түмэл.
Ыам ыйын 22 күнүгэр Саха сиригэр Сайылык күнэ бэлиэтэнэр. Бу күн сайын кэлэр уонна саха Саҥа дьыла саҕаланар. Дьокуускайга Емельян Ярославскай аатынан түмэлгэ хаһыс да сылын ыытыллар Сайылык күнэ бэлиэтэниэҕэ.
«Самаан сайыны көрсүү сиэрэ-туома» сарсыарда 11 чаастан саҕаланыаҕа. Манна култуура, ускуустуба кэллиэһин устудьуоннара кыттыахтара. Мустубут дьон сайыны уруйдуур оһуохайга түмсүөхтэрэ.
Норуот маастардарын, олохтоох оҥорон таһаарааччылар быыстапкалара, дьаарбаҥкалара үлэлиэҕэ. «Айар» кинигэ кыһата «Сайылык» кинигэ дьаарбаҥкатын тэрийиэҕэ.
Күнүс 1.30 ч. 3 чааска диэри маастар-кылаастар буолуохтара. Манна П.Романов аатынан художественнай училище устудьуоннара кыттыахтара. Күнүс 2 чаастан «Сайылык түһүлгэтэ» остуол оонньуулара, «Туой Арт» мастарыскыай маастар-кылаастара ыытыллыахтара.
Күнүс 12 чаастан «Төрүт ас туһата билим чинчийиилэригэр олоҕуран» – АГАТУ ас-үөл технологиятын уонна аһылык индустриятын кафедратын профессора, тыа хаһаайыстыбатын наукатын доктора Константин Степановы кытта көрсүһүү буолуоҕа.
Күнүс 12 чаастан Ю.Платонов аатынан Эстрада тыйаатырын, П.Ойуунускай аатынан Саха тыйаатырын, «Туймаада» вокальнай ансаамбыл артыыстара, А.Д. Макарова аатынан култуура, ускуустуба кэллиэһин, «Бриллианты Якутии» оҕо тыйаатырын оҕолоро кыттыылаах кэнсиэр буолуоҕа.
Түмэл «Эр Соҕотох» олоҥхонон үөрэнээччилэргэ дьарыгы ыытыаҕа. Тэрээһиннэр киэһэ 5 чааска түмүктэниэхтэрэ.
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…