Ярыгин Кубога: биир үрүҥ көмүс, икки боруонса

Тохсунньу 23-26 күннэригэр Красноярскайга  үгэскэ кубулуйбут норуоттар икки ардыларынааҕы көҥүл тустууга Иван Ярыгин Кубога буола турар.

Бүгүн финалга дьахталларга 55 киилэ ыйааһыҥҥа Севиль Назарова боруонса мэтээли ылла. Онон кини Иван Ярыгин Кубогын икки төгүллээх призерунан буолла.

Тустуук Лев Павлов Тыва спортсмена Начын Монгушка  хотторон, үрүҥ көмүс мэтээли ылла.

61 киилэҕэ Александр Авелов  Дагестантан Имам Умаровы кытта тустан  9:7 ахсаанынан, боруонсаны ылары ситистэ.

Быһа эпиир билигин Мамонт ханаалга көстө турар.