Ярыгин Кубогар икки тустуукпут кыһыл көмүс мэтээл иһин киирсиэхтэрэ

Тохсунньу 23-26 күннэригэр Красноярскайга  үгэскэ кубулуйбут норуоттар икки ардыларынааҕы көҥүл тустууга Иван Ярыгин Кубога буола турар.

57 киилэҕэ Саха сирин тустууга Лев Павлов Артур Чебодаевы кыайан, бүгүн Тываттан Начын Монгуһу кытары  кыһыл көмүс мэтээл иһин тустуоҕа.
Бу күрэххэ бастаабыт тустуук Европаҕа туста барар быраабы ылыаҕа.

70 киилэҕэ  Константин Капрынов  бүгүн кыһыл көмүс иһин  Хотугу Осетияттан Давид Баевы кытта күөн көрсүөҕэ.

Александр Авелов, Айсен Потапов, Севиль Назарова боруонса мэтээл иһин киирсиэхтэрэ.

Бүгүн, тохсунньу 24 күнүнээҕи, финалга:

57 кг: Лев Павлов (Саха сирэ) – Начын Монгуш (Тыва);

61 кг: Муслим Мехтиханов (Дагестан) – Завур Угуев (Дагестан);

70 кг: Давид Баев (Хотугу Осетия-Алания) – Константин Капрынов (Саха сирэ).

Тустуу бүгүн Дьокуускай бириэмэтинэн күнүс 13:00 чаастан саҕаланар.