Ярыгин турнирыгар бүгүн биэс тустуукпут күрэхтэһиэҕэ

Бүгүн, тохсунньу 27 күнүгэр, Красноярскайга буола турар Иван Ярыгин кэриэһигэр ыытыллар көҥүл тустуу турнирыгар эр дьоҥҥо 79 уонна 125 киилэҕэ диэри, дьахталларга 57 киилэҕэ диэри ыйааһыннарга күрэхтэһиилэр буолуохтара диэн СИА суруйар.

79 киилэҕэ диэри ыйааһыҥҥа Саха сириттэн Андриан Ленскэй тустуоҕа. Оттон 125 киилэҕэ диэри ыйааһыҥҥа Никита Хабаров уонна Андрей Аронов күрэхтэһиэхтэрэ. Никита Хабаров бастакы эргииргэ Арассыыйа чөмпүйэнээтин боруонса призерун Знаур Коциевы (Москваттан сылдьар) кытта тустуоҕа. Амиррез Амир уонна Гамзат Алижудинов киирсиилэриттэн кыайбыты кытта күрэхтэһиэҕэ.

Саха сирин кыргыттарыттан бүгүн 57 киилэҕэ тустар Евгения Огородникова уонна Күндүүнэ Борисова көбүөргэ тахсыахтара. Огородникова Монголия бэрэстэбиитэлин, оттон Борисова Европа кыайыылааҕын Александра Андрееваны кытта тустуохтара.

Маны таһынан, 70 киилэҕэ Бурятия бөҕөһө Евгений Жербаев финалга тахсыбытынан, киниттэн хотторбут Константин Капрынов өссө биирдэ тустар кыахтанна. Оттон Александра Копылова уонна Александра Карамзина боруонса мэтээл иһин киирсиэхтэрэ.

Тустуу үс көбүөрүнэн буола турар. Быһа эпиири манна көрүҥ: А көбүөр, В көбүөр, С көбүөр.