Салгыы
Ыарыһах оҕолорго оонньуур бэлэхтиир аахсыйаҕа кыттыһаллар

Ыарыһах оҕолорго оонньуур бэлэхтиир аахсыйаҕа кыттыһаллар

30.11.2022, 16:00
Бөлөххө киир:

Саха сиринээҕи Доруобуйа харыстабылын министиэристибэтэ “Коробка храбрости” Бүтүн Арассыыйатааҕы аһымал аахсыйаҕа кыттыста.

“Биир Ньыгыл Арассыыйа” баартыйаны өйөөччүлэр тэрийбит бырайыактарыгар  дойду олохтоохторо оҕо оонньуурдарын хомуйбуттарын, мэдиссиинэ тэрилтэлэригэр өр кэмҥэ эмтэнэр уонна доруобуйаларын чөлүгэр түһэрэр оҕолорго биэрэллэр.

Дьокуускай куорат  2 №-дээх балыыһатын кэлэктиибэ бу аахсыйаҕа кытынна. Балыыһа  кылаабынай бырааһа Саргылаана Васильева  кэлэктиип аатыттан “Коробка храбрости” аахсыйаҕа элбэх оонньууру туттарда. Саргылаана Афанасьевна бэлиэтээн эппитинэн, ыарыһах оҕолор, чэгиэн туруктаах оҕолорго тэҥнээтэххэ, бэйэҕэ эрэллээх буоларга ордук наадыйаллар.

«Кинилэр туох баар мэдиссиинискэй процедуралары (ол иһигэр, олус ыарыылааҕы) тулуйалларыгар күүстээх санаалаах  буолуохтарын наада. Биһиги балыыһабыт быраастара кырачаан ыарыһахтарга оонньуурдары кыһаллан уонна улахан тапталларын биэрэн туран хомуйдулар”, — диэтэ кылаабынай быраас.

Хас биирдии оҕо күүппүт бэлэҕин тутан баран, түргэнник үтүөрэн дьиэтигэр төннөрүгэр күүс эбинэрэ уонна хорсун санааланара олус суолталаах.

Лента
Салгыы
6 февраля
  • -42°C
  • Ощущается: -42°Влажность: 66% Скорость ветра: 0 м/с

Сообщить об опечатке

Текст, который будет отправлен нашим редакторам: