Андрей Сорокин (СИА) хаартыската
Дьокуускай куораттааҕы 3-с №-дээх балыыһа доруобуйа харыстабылыгар саҥа технологиялары кэлимник киллэрэр. Бу туһунан Ил Дархан пресс-сулууспата иһитиннэрэр.
Бүгүн, атырдьах ыйын 2 күнүгэр, омук технологиятын солбуйар саҥа суоллары тобулуу туһунан Дьокуускай куораттааҕы 3-с №-дээх балыыһа кылаабынай бырааһа Светлана Давыдова Ил Дархан Айсен Николаевка билиһиннэрдэ.
Ил Дархан балыыһаҕа сылдьан баран, искусственнай интеллект көмөтүнэн ыарыһахтары быраас иннинэ көрөр бырагырааманы оҥорорго сорудахтаата. Бу үлэнэн «Сайберия» хампаанньа эрдэ оҥорбут бырагырааматыгар олоҕуран дьарыктаныахтара.
«Ааспыт сылга РФ Бырабыыталыстыбатын бэрэссэдээтэлэ Михаил Мишустин Саха сиригэр кэлэ сырыттаҕына «Сайберия» хампаанньа оҥорбут бырагырааматын көрдөрбүппүт. Премьер-миниистир мэдиссиинэҕэ дойдуга оҥоһуллубут технологияны көхтөөхтүк туһанарга соруйбута. Салгыы искусственнай интеллегы туһанан мэдиссиинэ эйгэтигэр саҥа технологиялары сайыннаран, дириҥник киллэриэххэ наада. Бүгүн ыарыһахтары көрүүгэ уонна ол кэнниттэн эмтииргэ искусственнай интеллект көмөтүнэн туһанар бырагырааманы ырытан оҥоруу ураты суолталаах», — диэтэ Айсен Николаев.
Саҥа бырагыраама мэдиссиинэ өҥөтүн хаачыстыбатын үрдэтиэ. Бүгүн быраастар ыарыһаҕы көрөллөрүгэр элбэх бириэмэни ыыталлар. Бырагыраама оҥоһулуннаҕына быраас иннинээҕи көрүүнү медсестралар уонна биэлсэрдэр оҥорор буолуохтара. Кинилэр эмтэнээччи дааннайдарын бырагыраамаҕа киллэриэхтэрэ, салгыы бу киһи доруобуйатын туругун туһунан информация бырааска тиийиэҕэ. Ол түмүгүнэн быраас диагноз туруоруоҕа уонна эмтиэҕа, оччотугар оҥоһуллар мэдиссиинэ көмөтө хаачыстыбалаах буолуоҕа.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…