ЯСИА, «Якутия Daily» уонна «Саха Сирэ» ааҕааччыларыгар анаан саҥа сервис үлэлээтэ

ЯСИА информационнай ааҕыныстыба, «Якутия Daily» портал уонна «Саха Сирэ» хаһыат ааҕаачыларыгар анаан саҥа сервис үлэлээтэ.

Бу күнтэн ыла хас биирдии ааҕааччы бүтүн өрөспүүбүлүкэ үрдүнэн тарҕанар хайдах баҕарар биллэриитин таһаартарыан сөп. Биллэриилэри үс  көрүҥүнэн тутабыт:

• Эҕэрдэ: Чугас дьоҥҥутун төрөөбүт күнүнэн, оҕо төрөөбүтүнэн, туох эмэ ситиһиитинэн эбэтэр атын үөрүүлээх түгэнинэн эҕэрдэлээҥ;
• Кэриэстэбил (некролог);
• Ахтыы: Истиҥ ахтыыгытын кытта үллэстиҥ.

Биллэрии ханна тахсарый?

Эһиги биллэриигит өрөспүүбүлүкэ бастыҥ хаһыаттарын страницаларыгар бэчээттэниэҕэ уонна саайтарыгар тахсыаҕа:

• ЯСИА информационнай  ааҕыныстыбаҕа уонна «Якутия Daily», «Саха Сирэ» портаалларыгар;
• «Саха Сирэ» уонна “Якутия” өрөспүүбүлүкэтээҕи хаһыаттарга.

Ханнык тылынан тахсарый?

Биллэриилэр сахалыы да, нууччалыы да тылынан тахсаллар.

Хайдах таһаартарабыт?

Биллэриигитин таһаартарарга, биир кэлим онлайн-платформаны туһаныҥ: https://shop.sakhamedia.ru/