ЫБММ сэрэтэр: Сарсын сорох оройуоннарга күүстээх тыал, этиҥнээх ардах түһэрэ күүтүллэр

Сарсын, бэс ыйын 25 күнүгэр,   Ленскэй Нерюнгри, Эдьигээн, Өлөөн, Томпо, Өймөкөөн, Муома, Абый, Үөһээ Халыма оройуоннарыгар  сөкүүндэҕэ 15-20 м. түргэннээх тыал, этиҥнээх ардах түһэрэ күүтүллэр диэн ЫБММ Саха сиринээҕи управлениета иһитиннэрэр.

ЫБММ этиҥнээх ардах кэмигэр сүүрэртэн, бэлэсипиэттииртэн, самокатынан, ролигынан хатааһылыыртан туттунуҥ диэн сэрэтэр. Маны таһынан үрдүк күүрүүлээх уот ситимнэригэр, үрдүк мастарга чугаһыыр кутталлааҕын санатан туран,  мобильнай төлөпүөнүнэн туһанымаҥ диэн сүбэлиир.