Быйыл «Аҕа күрэҕэ» өрөспүүбүлүкэтээҕи тэрээһин 25-с үбүлүөйдээх сылыгар 17 улуустан уонна Дьокуускай куораттан 20 хамаанда кэлэн Сайсары күөлгэ күрэхтэһэ сылдьаллар.
СӨ үлэҕэ уонна социальнай сайдыыга миниистрин солбуйааччы Елена Теплякова бэлиэтээбитинэн, быйылгы күрэхтэһиигэ элбэх оҕолоох 18 ыал кыттар. Ол курдук, Өлөөн эбэҥки национальнай улууһуттан Боягир дьиэ кэргэн уонна Сунтаартан Корниловтар дьиэ кэргэн аҕыстыы оҕолоохтор, Горнай Никаноровтара — 7, Бүлүүттэн Жирковтар уонна Намтан Харатаала дьиэ кэргэттэрэ 6-лыы оҕолоохтор. Ньурбаттан Барабанскайдар, Тааттаттан Жегусовтар, Чурапчыттан Крыловтар 5-тии оҕолоохтор. Уоннааҕылар — 3-4 оҕолоох аҕалар.
Саамай уустук уонна тыҥааһыннаах көрүҥ — мас суоруута. Манна ыксалга сүгэнэн сатаан туттуу эрэйиллэр. Кыттааччылар бары улуустарыгар тэҥнээхтэрин булбатах дьон. Онон кыайыыга эрэллээх дьон быһыытынан, тымныыны тымныы диэбэккэ, футболканан эрэ мас муора сылдьаллар. Күрэхтэһии оннук тыҥааһыннаах. Суолталаах тэрээһини өрөспүүбүлүкэтээҕи «Аҕа күрэҕэ» күрэхтэһии хас да төгүллээх кыайыылааҕа, Таатта улууһун киэн туттуута Петр Чупров кыраҕы хараҕынан кэтээн көрө сылдьар. Кини быйыл күрэхтэһиигэ кыттыбата. Икки улахан уола улаатан, билигин бэйэлэрэ үлэһиттэр. Кыра уол алын сүһүөх кылаас үөрэнээччитэ буолан, сааһынан хапсыбат эбит. «Биһиги күрэхтэһэрбит саҕана саҥа кыттан саҕалаан эрэр аҕалаах уол эбит буоллахтарына, билигин киһи астына көрөр уопуттаах кыттааччылара. Сылтан сыл аайы күүстээх дьиэ кэргэттэр эбиллэн иһэллэрэ харахха быраҕыллар», — диэн бэлиэтээтэ төрөөбүт Тааттатын улууһун элбэхтэ дорҕоонноохтук ааттатан, аар-саарга аатырдыбыт Петр Чупров.
Бу чааска «Аҕа күрэҕин» кыттааччылара мас суоруутугар күрэхтэһэ сылдьаллар. Онтон кулуһун оттон чэй өрүөхтэрэ, мас эрбээһинигэр күрэхтэһиэхтэрэ, остуолбаҕа ыттыахтара. Бу бастакы күҥҥэ ыытыллар тэрээһиннэр. Сотору кэминэн аны чэй өрүүтүн сырдатыахпыт.
Хаартыскаларга Елена Потоцкая түһэриилэрэ
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…