sakha.gov.ru ылылынна
2025 сыл балаҕан ыйын 3-6 күннэригэр Владивостокка Х Илиҥҥи экэнэмиичэскэй пуорум ыытыллар.
Тэрийээччилэр этэллэринэн, үбүлүөйдээх пуорум Уһук Илиҥҥэ уонна дойдуга бүттүүнүгэр саҥа «Точка роста» тэрийиигэ, норуоттар икки ардыларынааҕы сибээһи бөҕөргөтүүгэ, доҕордуу дойдулары кытары бииргэ үлэлээһини күүһүрдүүгэ туһуланар.
ВЭФ-2025 дьыалабыай былаһааккаларыгар экэниэмикэни бөҕөргөтүүгэ туһуламмыт биир кэлим мэхэньиисимнэри оҥорууга уонна күүһү түмүүгэ, быһаарыылары киллэриигэ дьүүллэһиилэр, биисинэс-кэпсэтиилэр ыытыллыахтара. Арассыыйа эрэгийиэннэрин, хампаанньалары, биэдэмистибэлэри, ол иһигэр тас дойдулар бииргэ үлэлээһиннэрин сайыннарыыга сөбүлэһиилэр түһэрсиллиэхтэрэ. «Уһук Илин уулуссата» үгэс буолбут быыстапкаҕа сүрүн технологическай ситиһиилэри, инвестиция потенциалын, араас эйгэлэргэ тутаах бырайыактары, ону сэргэ, Уһук Илин эрэгийиэннэрин култуураҕа уратыларын билиһиннэриэхтэрэ.
РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокуругун боломуочуйалаах бэрэстэбиитэлэ Юрий Трутнев бэлиэтииринэн, пуорумҥа Уһук Илиҥҥи ФУо уонна Азиатско-Тихоокеанскай эрэгийиэннэр бары тирээн турар суолталаах боппуруостара көтөҕүллэллэр. Итиэннэ бары быһаарыылар Уһук Илин эрэгийиэн олохтоохторун хаачыстыбатын тупсарарга, Уһук Илиҥҥэ инвестордары, квалификациялаах исписэлиистэри, устудьуоннары уонна олоххо көхтөөх дьону тардыы соруга турар.
2015-2024 сс. ыытыллыбыт Уһук Илиҥҥи экэнэмиичэскэй пуорумҥа уопсайа 2480 бииргэ үлэлэһэргэ сөбүлэҥ түһэрсиллибит. Сүрүн хайысхалар ортолоругар — инфраструктурнай эбийиэктэри тутуу, энэргиэтикэни сайыннарыы, тырааныспар уонна логистика ситимнэрэ, Арассыыйа эрэгийиэннэрин социальнай-экэнэмиичэскэй сайыннарыы, уо.д.а. бааллар.
2024 с. хаһан да буола илик элбэх сөбүлэҥ түһэрсиллибит, барыта 75 дойдуттан 7 тыһыынчаттан тахса киһи кыттыбыта бэлиэтэнэр.
Санатар буоллахха, ВЭФ-2024 түмүгүнэн Саха сирэ 25 саҥа сөбүлэһиигэ илии баттаабыта. Олортон сүрүннэринэн — Найбаҕа муора пуордун, Чуумпу акыйааннааҕы тимир суолу тутуу, Өймөкөөҥҥө Уус Ньара бөһүөлэгэр итиинэн хааччыйыы систиэмэтин саҥардан оҥоруу, «Синергия Арктики» бырайыагы быһаарыы, Дьокуускай маастар-былаанын бырайыагын үбүлээһин буолаллар. Өрөспүүбүлүкэҕэ тардыллыахтаах саҥа инвестициялар уопсай суумалара 163 млрд.солк. тэҥнэһэр.
ВЭФ тоҕус сыллаах үлэтигэр Саха сирэ пуорумҥа 220-н тахса сөбүлэһиигэ илии баттаабыт.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…