Бэҕэһээ, бэс ыйын 14 күнүгэр, Саха суруналыыстыкатын 65 сыллаах үбүлүөйүгэр анаммыт ыһыах буолан ааста.
Ил Түмэн дьокутаата, СӨ Суруналыыстарын сойууһун бэрэссэдээтэлэ, «Саха» НКИХ генеральнай дириэктэрэ Олег Марков суруналыыстыкаҕа олохторун анаабыт бэтэрээннэри ахтан, кинилэргэ махтал тылларын анаата. Өр сылларга СӨ Суруналыыстарын сойууһун бэрэссэдээтэлинэн үлэлээбит Галина Бочкареваҕа РФ суруналыыстарын Бочуотунай кыраамататын туттарда.
Үбүлүөйдээх сылга айар үлэлэригэр ситиһиилээх суруналыыстарга Олег Марков наҕараадалары туттарда.
Суруналыыстар ыһыахтара үгэс быһыытынан сандалы баай аһын, национальнай көстүүм, оһуохай этиитин күрэстэринэн саҕаланна, салгыы успуорт көрүҥнэринэн куоталаһыы буолла. Бастакынан дьүүллүүр сүбэни «Сахамедиа» холдинг кэлэктиибэ көрүстэ.
Тэрилтэ генеральнай дириэктэрин солбуйааччы Чокуур Гаврильев дьүүллүүр сүбэҕэ Саха суруналыыстыкатын үбүлүөйдээх 65 сылын көрсө бэрт элбэх кинигэ бэчээттэммитин билиһиннэрдэ. Салгыы холдинг үлэһиттэрэ бэйэлэрин улуустарын маанылаах бренд-астарын билиһиннэрбиттэрэ олус сонуннук көһүннэ.
«Сахамедиа»холдинг тиэргэнин тас көстүүтэ эмиэ атыттартан олох ураты.
Дьүүллүүр сүбэ салгыы атын тэрилтэлэри көрөн-истэн түмүгү таһаарда: 1-кы миэстэ «Саха» НКИХ, 2-с миэстэҕэ «Сахамедиа» холдинг тигистэ, 3-с миэстэҕэ «Сахабэчээт» тэрилтэ тигистэ.
1-кы миэстэлээх тэрилтэҕэ саҥа оҥоһуллубут көһө сылдьар Мэҥэ бэлиэни туттардылар.
«Сахабэчээт» уонна «Саха» НКИХ тэрилтэрин халыҥ хамаандалара эмиэ олохтоохтук оҥостубуттарын түмүгэр бастыҥ бириистээх миэстэлэргэ тигистилэр.
Бочуоттаах 1-кы миэстэҕэ тиксибит «Саха» НКИХ Дьиэ кэргэн сылыгар саха ыалын тиэргэнин оҥорбуттара олус сонуннук көһүннэ.
Ити курдук, Саха суруналыыстыкатын сойууһа тэриллибитэ 65 сылыгар анаммыт ыһыаҕы айар куттаах дьон олус астыннылар, тэрээһинин хайҕаатылар.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…