Ыччакка анаан чэпчэтиилээх куортам дьиэтэ

Арассыыйаҕа ыччакка аналлаах чэпчэтиилээх куортам дьиэтин бырагыраамата киириэҕэ.

Бу туһунан “Движение” хамсаабат баай-дуол пуорумугар “Эдэр профессионаллар” хайысха дириэктэрэ Александр Вайно кэпсээтэ.

Кини этэринэн, бырагыраама ДОМ.РФ уонна Ростехы кытта оҥоһулла сылдьар, оттон чэпчэтиилээх куортам хайдах үлэлиэҕэ сыл бүтүүтэ чуолкайданыа.

Оннук дьиэни куортамныыр быраабы бастаан сүрүннүүр салааларга, бырамыысыланнаска, тутууга, энэргиэтикэҕэ, тыа хаһаайыстыбатыгар,  үлэлиир эдэр үлэһиттэр ылыахтара.

Стратегическай көҕүлээһиннэр агентстволарын ыйытыгынан, маннык дьиэни 16-тан 28-гар диэри саастаах эдэр дьон 35%-ра куортамныахтарын баҕараллар. Ону кытта төрөппүттэриттэн туспа олоруохтарын  эмиэ баҕараллар, диэн суруйар “Российская газета”.