Хаартыска: sakha.gov.ru
Национальные проекты.рф порталга “Навигатор возможностей” үлэтин саҕалаата, бу манан Арассыыйаҕа олорор 50-ча мөл. эдэр дьон бэйэлэригэр сөптөөх өйөбүлү талан ылыахтарын сөп.
Саастарыгар, интэриэстэригэр, былааннарыгар олоҕуран, систиэмэ бэйэҕэр табыгастаах миэрэлэр испииһэктэрин таһааран биэрэр.
Балар быыстарыгар 2025 сылга саҕаламмыт “Ыччат уонна оҕолор” национальнай бырайыак көҕүлээһиннэрэ бааллар. Бу бырайыагынан үөрэтэр инфраструктураны сайыннарыы, ыччат кииннэрин тэрийии, граннаах куонкурустары ыытыы салҕанар. Бүгүн хайа баҕарар эдэр киһи бэйэтин бырайыагын олоххо киллэрэр, наадалаах идэни ылар, биир санаалаахтарын булар кыахтаах.
Саҥа нацбырайыагы өйөөн Росмолодежь уонна “Национальные приоритеты” АНО бу саҥа нацбырайыак баһырхай кыахтарын туһунан кэпсиир “Возможности для молодежи” информационнай кэлим хампаанньаны саҕалаатылар.
“Биһиги хас биирдии эдэр киһи бэйэтин кыаҕын олоххо киллэрэригэр судаарыстыба өттүттэн туох өйөбүл баарын билэригэр бары усулуобуйаны оҥоробут. Ол курдук 2030 сылга диэри биһиги иннибитигэр улахан соруктар тураллар: идэни сайыннарыыга туһуламмыт тэрээһиннэргэ кыттар ыччаты 75%-ҥа диэри улаатыннарыы, ыччат 45%-нын волонтерскай үлэнэн хабыы, 77,6 тыһ. омук киһитин нууччалыы тыллаах үөрэх бырагыраамаларыгар, тэрээһиннэргэ тардыы, онтон да атын элбэх”, — диир Росмолодежь салайааччыта Григорий Гуров.
Идэни ылыыга, доҕоттору, биир санаалаахтары булууга, үбүнэн өйөбүлү булан, бэйэ бырайыагын олоххо киллэриигэ ыччат бэстибээллэрэ, пуорумнара, куонкурустар көмөлөһөллөр. Холобур, нацбырайыакка Росмолодежь “Росмолодежь.Гранты” граннаах куонкуруһа киирбит, манна сүрүн бириис — бырайыагы олоххо киллэриигэ 1 мөл.солк. диэри үп бэриллэр.
Куонкурус баарын тухары 37 тыһ. тахса сайаапка киирбитэ, 3 тыһ. тахса бырайыак үбүнэн өйөбүлү ылбыта.
Уһук Илинтэн Калининградка диэри устудьуоннарга уонна эдэр чинчийээччилэргэ анаан аан дойду таһымнаах устудьуоннар кампустара үлэлииллэр. Бүгүн 25 кампус тутулла турар, 2036 сылга 40-тан кырата суох аһыллыаҕа.
Биир маннык устудьуоннар куораттара Новосибирскайдааҕы госуниверситет базатыгар хас да түһүмэхтээх тутулла турар. Хайыы-үйэ 690 миэстэлээх уопсай дьиэ, үөрэтэр куорпус, анал үөрэтэр-билим уонна сынньалаҥ кииннэр үлэҕэ киирбиттэр.
Орто анал үөрэх эмиэ сайдар. “Профессионалитет” бырагырааманан колледжтар, техникумнар саҥардыллаллар, быраактыкаҕа ураты болҕомто ууруллар. Ол туһугар үөрэх кыһаларын, үлэ биэрээччилэри, билим тэрилтэлэрин түмэр кластердар тэриллэллэр. Манныкка устудьуон билиини да ылар, идэни да баһылаан тахсар.
“Профессионалитет” федеральнай бырайыак чэрчитинэн Саха сиригэр 2022 сылтан “Тыа хаһаайыстыбата” уонна “Хайа-хостуур салаа” салааларынан 2 үөрэтэр-производственнай киин (кластер) үлэлии тураллар. Бу сылга “Педагогика” салаанан үөрэтэр кластер аһыллыаҕа. 2026 сылга орто анал үөрэхтээһин “Клиническэй уонна профилактическай мэдисиинэ” салаанан өссө биир үөрэтэр кластера аһыллыаҕа, онно Дьокуускайдааҕы, Нерюнгритааҕы, Алдананаҕы медколледжтар киириэхтэрэ, диэн иһитиннэрэр СӨ Ил Дарханын уонна бырабыыталыстыбатын пресс-сулууспата.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…