Ыччакка аналлаах “Область будущего” үөрэх пуорума буолуоҕа

Быйыл балаҕан ыйын 2-3 күннэригэр Липецкэй уобаласка Бүтүн Арассыыйатааҕы “Область будущего” ыччат үөрэххэ пуорума буолуоҕа.  

“Область будущего” – бу уопсастыбаннай уонна судаарыстыбаннай тутуллар, биисинэс холбоһуктара уонна атын институттар көмөлөрүнэн АйТи индустрия саҥа салааларыгар ыччат көҕүлээһиннэрин өйүүр былаһаакка. Манна 14-35 диэри саастаах ыччат кыттыан сөп. Пуорум тус-туспа тиэмэлэрдээх түөрт симиэнэлээх: «IT-ГОРОД», «IT-ИСКУССТВО», “Ыччат судаарыстыбаннай бэлиитикэтин цифровой трансформацията”, «Сколтех» бырагырааманан  симиэнэлэр.

14-17 саастаах кыттааччыларга хас биирдии симиэнэ иитинэн саастарыгар сөп түбэһэр уонна бэлэмнэнэр таһымнаах туспа тректэр көрүллэллэр. Пуорум кыттыылаахтара Бүтүн Арассыыйатааҕы Росмолодежь.Гранты. күөн күрэс иитинэн социальнай суолталаах бырайыактарга 1 мөл. солк. диэри кээмэйдээх өйөбүлү ылар кыахтаахтар.

Кыттыан баҕалаахтар  «Молодежь России» (myrosmol.ru) федеральнай судаарыстыбаннай автоматизированнай информационнай систиэмэҕэ бэлиэтэнэллэрэ итиэннэ «Росмолодежь.Форумы» (events.myrosmol.ru) платформаҕа бу сыл от ыйын 7 күнүгэр 12:00 чааска диэри “Область будущего” ыччат үөрэтэр пуорума тэрээһиҥҥэ сайаапка ыыталлара ирдэнэр  (https://admin.myrosmol.ru/events/0ef8245f-7339-4b18-aae8-62485e1585a8)

Пуорум туһунан официальнай иһитиннэриини манна көрүҥ: сайт областьбудущего.рф, «ВКонтакте» социальнай ситим «Форум «Область будущего» (https://vk.com/oblastfuture) бөлөҕөр, «Область будущего» (https://t.me/oblastfuture) телеграмҥа.