Мин кэпсиир дьоруойдарым аҥардас волейболунан умсугуйан дьарыктаммыттара, күрэхтэспиттэрэ номнуо 30 сыл буолла.
Волейбол мээчигин эккирэтиһэ сүүрэн, таба охсон очукуо ылан, кыайыы өрөгөйүн билэн, үөрүү үктэллээх сонуннаах кэлэн нэһилиэктэрин дьонун сэргэхситэллэр. Олохтоохтор кинилэринэн киэн туттуохтарын тутталлар.
Ол курдук Юлиана Аввакумова, Мария Яковлева, Альбина Иванова, Анастасия Семёнова успуордунан сөбүлээн дьарыктаммыт киэн туттар дьоммутунан буолаллар. Оскуолаҕа үөрэнэ сырыттахтарына физкултуураҕа үөрэппит, успуорка уһуйбут учууталларынан Илья Афанасьевич Яковлев, Иннокентий Иннокентьевич Птицын буолаллар. Онтон ыла умсугуйан дьарыктанан, кинилэр күн бүгүнүгэр диэри теннистииллэр, хайыһардыыллар, мас тардыһаллар, волейболлууллар.
Нэһилиэк, улуус, өрөспүүбүлүкэ күрэхтэһиилэригэр көхтөөхтүк кытталлар. Успуорт эйгэтигэр сайдыыны киллэрсэллэр, эдэр ыччакка үтүө холобур буолаллар. Маныаха успуорду таһынан өссө нэһилиэккэ ыытыллар туох баар субуотунньуктары, култуура эйгэтигэр ыытыллар тэрээһиннэри көтүппэккэ кытталлара хайҕаллаах.
Маннык сэргэх олохтоох мааны хаһаайкалар дьиэлэрин истиэнэлэрин успуорка ситиһиилэнэн ылбыт мэтээллэрэ, вымпеллара, грамоталара киэргэтэллэр. Киирбит ыалдьыттар кэрэхсии көрөллөр. Маннык үтүөкэн дьоҥҥо ылсыбыккытын ыһыктымаҥ, ситиһии сиэттистин диэн үтүө санаабын тиэрдэбин.
Валентина Яковлева,
Атамай, Горнай.
Хаартыскаларга Юлиана Аввакумова түһэриитэ.
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…
Ыам ыйын 19 күнүгэр Дьокуускай куоракка, киэһэ 19 чаас саҕана, сокуоннай сааһын ситэ илик оҕону…
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу…
Ыам ыйын 20 күнүттэн саҕалаан биир нэдиэлэ устата хатыҥ уутун ылар кэм кэллэ. Анаан дьарыктанааччыларга…
РФ Бэрэсидьиэнигэр СӨ бастайааннай бэрэстэбиитэлэ, Саха сиринээҕи кэлим координационнай киин салайааччыта Андрей Федотов брифинг кэмигэр…
Сангаардааҕы оҕо успуорт оскуолатын выпускнига Артем Бутко Сочига ыытыллыбыт боксаҕа чөмпүйэнээтигэр боруонса призера буолла. [gallery…