Бэрэсидьиэн Владимир Путин Устудьуоннар, ыччат аан дойдутааҕы бэстибээллэрин ыытар туһунан идиэйэни өйөөтө. Ол эрээри, билиҥҥи усулуобуйаҕа маннык улахан тэрээһин ыытар уустуктааҕын санатта.
— Идиэйэҕит үчүгэй. Ол эрээри, билиҥҥи усулуобуйаҕа улахан тэрээһини ыытар судургута суох буолуо. Ол гынан баран, төһө да Крым холбоспутунан балаһыанньа тыҥааһыннааҕын иһин, 2017 сыллаахха Сочи куоракка ыччат бэстиб’элин ыытан турабыт. Онон бэйэтин кэмигэр сөп түбэһэн иһиэ дии саныыбын. Идиэйэтэ үчүгэй, тоҕо диэтэр, дьону түмэр, үрдүккэ кынаттыыр тэрэһин, онон өйүөхпүт, — диэн кини хоруйдаата. Бу ыйытыыны киниэхэ РУДН устудьуона Дарья Семенова биэрбит.
Бэрэсидьиэн этэринэн, былаас баҕарда да, тута тэрийэн кэбиһэр кыаҕа суох. Кыттааччылартан, аан дойдутааҕы тэрилтэлэртэн эмиэ тутулуктааҕын бэлиэтээтэ.
— Арассыыйа норуоттар икки ардыларынааҕы тэрээһиннэри куруук үрдүк таһымҥа ыытар. Оннук да оҥоруохпут, — диэн кини эрэннэрдэ.
Санатар буоллахха, 1985 сыллаахха Москваҕа Устудьуоннар, ыччат аан дойдутааҕы бэстибээлэ киэҥ далааһыннаахтык буолбута. Бу кэнниттэн 2017 сыллаахха Сочига эмиэ ыытыллыбыта.
Хаартыска — сахагофтан.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…