Хаартыска Уус Алдан улууһун дьаһалтатын пресс-сулууспатыттан.
Бу күннэргэ «Биһиги туспутугар! Кыайыы иһин!» ыччат десана Уус Алдан улууһун нэһилиэктэрин кэрийэн үтүө санаа аахсыйатынан тыа сирин олохтоохторугар, чуолаан, байыаннай дьайыы кыттыылаахтарын дьиэ кэргэттэригэр көмөлөстүлэр.
Бу туһунан Уус Алдан улууһун дьаһалтатын пресс-сулууспата иһитиннэрэр.
Ыччат десанын СӨ Ыччат уонна социальнай коммуникация миниистирэ Петр Шамаев бэйэтэ салайан илдьэ сырытта уонна харыс даҕаны хаалсыбакка, тэҥҥэ үлэлэстэ. Ол курдук бу бөлөххө Ыччат уонна социальнай коммуникация министиэристибэтин үлэһиттэрэ, «Zema» уонна «Бэрт Хара» уопсастыбаннай хамсааһыннар ахтыбыыстара киирэн кытыннылар.
Ыччаттар Суотту нэһилиэгин хаһаайыстыбаларыгар хортуоска бааһынатыгар сыыс от үргээтилэр, Сыырдаахха элбэх кыбартыыралаах дьиэ олбуорун кырааскалаатылар уонна оскуоланы хомуйдулар, Курбуһахха эргэ хотону көтүрдүлэр, Балаҕаннаахха байыаннай дьайыы кыттыылааҕын тутулла турар дьиэтин ханапаакылаатылар. Дүпсээҕэ эмиэ байыаннай дьайыы кыттыылааҕын дьиэ кэргэнигэр көмөлөстүлэр. Оттон Бороҕоҥҥо ыччаттар Элбэх өҥөнү оҥорор, успуорт комплекскын хомуйдулар уонна кырааскалаатылар. Итини таһынан улуус киинигэр оҕолор байыаннай дьайыы кыттыылаахтарын дьиэлэригэр-уоттарыгар ханаппаакы үлэтигэр, теплотрассаны сылытарга, тутуу бөҕүн-сыыһын хомуйууга көмөлөстүлэр. Мындаабаҕа күрүө баҕанатын туруорустулар.
Саха сиригэр ойуурга уот турар кутталлаах кэмигэр хаһааҥҥытааҕар даҕаны сэрэхтээх буолуу ирдэнэр. Ыксаллаах түгэн үөскээтэҕинэ,…
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…