Ыччат көҕө улаатыа, патриотическай иитии күүһүрүө

Мэҥэ Хаҥалас улууһун социальнай бэлиитикэтин салалтата ыччат хамсааһынын уонна патриотическай иитиини тэрийиигэ 3282545 солкуобайдаах субсидия ылары ситистэ.

Бу туһунан Мэҥэ Хаҥалас улууһун дьаһалтатын пресс-сулууспата иһитиннэрэр.

Бэс ыйын 5-19 күннэригэр ыытыллыбыт СӨ Ыччат бэлиитикэтин уонна социальнай коммуникациятын министиэристибэтэ муниципальнай тэриллиилэр, куораттааҕы уокуруктар икки ардыларыгар «Саха сирин ыччата» диэн субсидия көрүүтүгэр күрэс биллэрбитэ.

Онно барыта 10 хайысха баарыттан Мэҥэ Хаҥалас улууһун социальнай бэлиитикэтин салалтата уон көрүҥҥэ ыччат хамсааһынын уонна патриотическай иитиитин тэрийиигэ сайаапка ыыппыт. Ол түмүгэр 3282545 солкуобай суумалаах субсидияҕа тиксибит.

Мантан инньэ бу улуус ыччатын үлэтэ-хамнаһа өссө таһаарыылаах буолуо, оҕону патриотическай иитии күүскэ барыа диэн эрэнэбит.