Ыччат миниистирэ Өймөкөөҥҥө айанныыр устудьуоннар этэрээттэрин байыастарын кытта көрүстэ

 Бүгүн Дьокуускайга СӨ ыччат дьыалаларыгар уонна социальнай коммуникацияларга миниистирэ Петр Шамаев устудьуоннар этэрээттэрин байыастарын кытта көрүстэ.

Эдэр байыастар Өймөкөөн улууһугар барарга бэлэмнэнэллэр, онно халаантан эмсэҕэлээбит нэһилиэнньэлээх пууннарга көмөлөһүөхтэрэ диэн СӨ ыччат дьылаларыгар министиэристибэтэ иһитиннэрэр.

Көрсүһүүгэ оҥоһуллуохтаах үлэ сүрүн түгэннэрин: айан маршрутун, олорор усулуобуйаларын уонна оттуур кэмнэригэр куттал суох буолуутун тэхиньикэтин дьүүлэстилэр. Атырдьах ыйын 10 күнүттэн 30 күнүгэр диэри этэрээт түөрт нэһилиэккэ: Томторга, Үчүгэйгэ, Орто Балаҕаҥҥа уонна Сордоҥнооххо үлэлиэҕэ.

Петр Шамаев этэрээт хас биирдии байыаһын кытары тус кэпсэттэ, ыарахан балаһыанньаҕа көмөлөһөргө бэлэмнэрин иһин махтанна уонна эмсэҕэлээбит улууска бу айан суолтатын тоһоҕолоон бэлиэтээтэ. Бу – дьиҥнээх гражданскай эппиэтинэс холобурунан буолар!