Ыччат Саха сирин устуоруйатыгар болҕомтотун уурар

Соторутааҕыта  Арчы Дьиэтигэр «Zema» улуус ыччаттарын түмсүүлэрин икки ардыларыгар «Түһүлгэ»  диэн эдэр ыччат дьоҥҥо аналлаах бэрт сэргэх күрэс ыытылынна.

Күрэскэ  «Аар Дархан» хамаанда («Бэрт Хара» Уус Алдан уонна «Дархан» Хаҥалас улууһа), «Баай собо» хамаанда («Баай  Тиит» Ньурба уонна «Дабаан» Кэбээйи улууһа), «Эрчим» хамаанда («Махсыым ыччаттара» Нам улууһа уонна «Дьулуурхаан» Усуйаана улууһа), «Гиркун» хамаанда («Ураан» Үөһээ Бүлүү уонна «Гиркилэн» Өлөөн улууһа), «Чараҥ ситимэ» хамаанда («Хатыҥ Чараҥ» Чурапчы уонна «Ситим» Бүлүү улууһа), Байҕал («Серун» Эдьигээн уонна «Хайа сахалара» Үөһээ Дьааҥы улууһа), “Олоҥхо дойдута” хамаанда («Түмэн» Сунтаар уонна «Дойду» Мэҥэ Хаҥалас улууһа) кытыннылар.  Уопсайа 7 хамаанда, 70-н тахса ыччат дьон тоҕуоруһа мустан,  Саха сирин устуоруйатын, култууратын, үгэстэрин, сиэрин-туомун уо.д.а билиигэ күрэстэстилэр.

Күрэс хаамыыта олус сэргэхтик барда.

Күрэс түмүгүнэн кыайыылаахтар:

1 үрдэл – «Баай Собо» («Баай Тиит» Ньурба уонна «Дабаан» Кэбээйи улууһа)

2 үрдэл – «Чараҥ ситимэ» Чурапчы уонна Бүлүү улууһа («Хатыҥ Чараҥ» Чурапчы уонна «Ситим» Бүлүү улууһа)

3 үрдэл – Гиркун («Ураан» Үөһээ Бүлүү уонна Өлөөн улууһа).

Кыайыылаахтарг «Лена» уонна «Киин» киинэ тыйаатырдара туруорбут бириистэринэн, «Арчы Дьиэтэ» айылгы киинин аатыттан алгыс сиэригэр-туомугар сылдьар кыаҕынан итиэннэ сэмэй сахалыы кинигэлэринэн наҕараадаланнылар. Бу күрэс эдэр ыччат Саха сирин устуоруйатыгар уонна култууратыгар болҕомтотун уурарыгар туһуланна.

Любовь КОНСТАНТИНОВА